முன்னாள் இந்திய தலைமை நீதிபதி பாலக்ருஷ்ணன், அவர் மருமகன்கள் அனைவர் மீதும் சில லஞ்ச வழக்குகள் வந்ததே,இப்போது என்ன ஆயிற்று? அவற்றின் நிலை என்ன?
முன்னாள் நீதிபதி தினகரன் மீது நில அபகரிப்பு வழக்கு இருந்ததே , என்ன ஆயிற்று? டி.வி. சேனல்கள் இதைப்பற்றி எல்லாம் பேசுவதில்லையே ?
இந்த இரு வழக்குகள் பற்றிப் பேசாமல் இருப்பதுதான் பகுத்தறிவா? இல்லை அதுதான் சமூக நீதியா?
அல்லது நிதியின் திருவிளையாடலா?
யாதுமாகி நிற்கும் இறையுடன் பேரம் பேசும்
முறைமைக்கு வழிபாடு எனப் பெயரிடுதல் முறையோ ?
‘உளன் எனில் உளன் உளநிலன் எனில் இலன்’ என்று
ஆழ்வார் கூற்றுப்படி
இருத்தலை நம்புபவர்க்கு இருப்பவனாகவும்
இருத்தலை நம்பாதவர்க்கு இல்லாதவனாகவும்
இருந்து அருள் வழங்கும் தலைவனை
வேண்டவும் வேண்டும் என்று தேவையோ ?
அவன் தான் அறிவானே
எனக்கு என்ன தேவை என்று ?
அல்லது வழிபாடு நினைவு படுத்தலோ ?
பல வேளைகளில் பல வேலைகள் இருப்பதால்
மறந்திருப்பான் என்பதால் நினைவூட்டும் விதமாக
இருக்குமோ வழிபாடும் வேண்டுதலும் ?
ஆனால் அவனே என்னை மறந்துவிட்டால்
என் இயக்கமும் சாத்தியம் தானோ ?
அவன் மறந்தும் நான் இயங்குவதால்
ஒரு வேளை நானே அவனோ ?
என் வேண்டுதல் என்னவென்று நானே அறியுமுன்னர்
அது குறித்து அவனை வேண்டுதல் முறையோ ?
என் வேண்டுதல் அறிந்திருந்தால் என் அல்லல் ஏனோ ?
என் தேவை நானே அறியுமுன்னர் அவன் அறிந்து
செயல்படுத்தினாலும் அதை நான் அறிவது எங்ஙனம் ?
ஒரு வேளை நானே அறிந்து வேண்டினாலும் அதை
அவன் செய்ய வேண்டிய அவசியம் ?
ஒரு வேளை அவன் செய்கிறான் என்றால் எனது கைம்மாறு ?
இறை தொழுவது ஆன்மிகம் என்றால்
எனது கைம்மாறு வர்த்தகம் அன்றோ ?
ஆக ஆன்மிகமும் வர்த்தகம் தானோ ?
அட வர்த்தகம் செய்ய அவனிடம் போவானேன் ?
சரி, அவனிடம் தான் போனால்
ஏற்பது இகழ்ச்சி ஔவை சொன்னதை
அவனே மறந்து, அதிகம் கொடுத்த
அதிபதியாளர்க்கு அருளாசி வழங்கும்
ஆன்மிகத்தை ஆணவத் தோரணம் ஆக்கிய விந்தையை
அன்பே சிவமென்ற புண்ணிய பூமியில்
பண்பே இல்லாமல் கடவுளை விற்று
ஆதி சிவனின் அடியாளர் என்று
நாமே அரற்றி வழிபாடு செய்வோம் .
சென்ற வாரம் சிங்கப்பூர் வாசகர் வட்டம் சார்பில் கலந்துரையாடல் நிகழ்ச்சி. வாசிப்பில் நமது கடந்த கால நிகழ்வுகளின் தொனி ( nostalgia) என்பது தலைப்பு.
மிக நிறைவாக இருந்தது இந்த நிகழ்ச்சி. நன்றி திருமதி.சித்ரா ரமேஷ்.
பேச்சாளர்கள் பலரின் பேச்சுக்கள் மிகவும் ரசிக்கும்படி இருந்தன. பலவற்றுடன் என்னைத் தொடர்பு படுத்திப் பார்க்க முடிந்தது.
திருமதி.சித்ராவின் பேச்சு மனிதன் தனது பேராசைக்காகவும், சுயநலத்துக்காகவும் செய்யும் செயல்களால் மற்ற உயிர் இனங்கள் படும் பாட்டை கண் முன் நிறுத்தியது. இயற்கையை இயற்கையாக விட வேண்டியது தானே என்ற அவரது கேள்வி நியாயமானது தானே ? ஜெயமோகனின் ‘யானை டாக்டர் ‘ படிக்க வேண்டும்.
திருமதி அழகு நீலாவின் பேச்சு மிகவும் உணர்வு பூர்வமாக இருந்தது. எல்லார் வீட்டிலும் இப்படி ஒரு சேட்டை செய்யும் ஒருவர் இருக்கிறார். வணிக ரீதியான இந்த உலகம் அவர்களை உதவாக்கரைகள் என்று உதாசீனப்படுத்தி முத்திரை குத்தி இருப்பது உண்மை. இயல்பாகப் பார்த்தால் அந்த மாதிரி மனிதர்களால் இயற்கைக்கு ஒரு கெடும் நிகழ்வதில்லை, மாசு படுவதில்லை.வெற்றி பெற்றவர்களால் மாசு அடைகிறது என்பது வேண்டுமானால் உண்மை.
திருமதி.பாரதியின் பேச்சில் பதின்மவயதின் புரிதலின்மை தெரிந்தது. இந்த வயதின் தனிமைப்படுதலை எதிர்ப்பதாகக் கூறியது அருமை.
திரு.குமாரின் பேச்சு பல பேருக்குப் பல பழங்கால நினைவுகளை வரவழைத்திருக்கும். எல்லாராலும் எல்லா வற்றையும் சொல்ல முடியாது. ஆனால் குமார் கூறியது போல் பல நிகழ்வுகள் நமது வாழ்விலும் நடந்திருக்கும் என்பது உண்மை.
திரு.ஷாநவாஸ் பேச்சு ஆசிரிய இழப்பை முன்னிறுத்தியது.
திரு கண்ணபிரான் பேச்சு அனுபவ உண்மைகளை உணர்த்தியது.ஒரு முன்னோடி சமுதாயத்தின் உணர்வுகள் பளிச்சிட்டது.
மிக நல்ல ஒரு ஞாயிறு மதிய வேளை நடந்து முடிந்தது.
அடுத்த வாரம் எழுத்தாளர் ஞானியுடன் ஒரு கலந்துரையாடல்.
41வயது மணி கடலூர்க்காரர். 30வயது விக்ரம்- இருவரையும் உங்களுக்குத் தெரியுமா? தெரிந்திருக்க நியாயமில்லை.அவர்கள் தற்போது உயிருடன் இல்லை. இலங்கை விஷயமாக தங்களையே கொளுத்திக்கொண்டவர்கள். சில ஆண்டுகளுக்கு முன்பு முத்துக்குமார் என்ற வாலிபர் தானும் தீக்குளித்தார். இவர்கள் சாதித்தது என்ன ? இன்னும் சில ஆண்டுகளில் வெறும் புள்ளி விவரமாய்ப் போவார்கள் இவர்கள். இவர்களது குடும்பங்கள் என்ன செய்கின்றன ? இவர்களை நம்பி இருந்த தாய் தந்தையர் எப்படி இருக்கிறார்கள் ? அவர்கள் செய்த பாவம் என்ன? இப்படி மிகவும் உணர்ச்சி வசப்படுவதில் தமிழர்கள் முன்னணியில் நிற்பது ஏன் ?
கல் தோன்றி மண் தோன்றாக் காலத்தே முன் தோன்றிய மூத்த தமிழ்க் குடி இன்று வெந்து தணிவதில் யாருக்கு என்ன லாபம்?
நம் கல்வி முறையில் தவறா? வளர்ப்பு சரி இல்லையா? சமூக முன் உதாரணங்கள் சரியானவர்கள் இல்லையா? அறிவு வளர்ச்சி அவ்வளவு தானா? எங்கோ தவறு நடக்கிறது.
ஜெயலலிதா தேசிய அரசியல் நோக்கம் கொண்டவர் என்பது புரிகிறது.முதலில் சிறுபான்மையினர் ஓட்டை விஸ்வரூபம் மூலம் தக்க வைத்துக் கொண்டார்.தற்போது இலங்கைத் தமிழர் விஷயத்தில் மிகவும் தீவிரமான நிலை எடுத்து வைகோ, தி.மு.க., மற்றும் எல்லாரையும் ஒரே அடியில் வீழ்த்தி தனது நிலையை ஸ்திரப்படுத்தியுள்ளார்.
இலங்கை விவகாரத்தில் மாநில சட்டசபை மூலம் இப்படி ஒரு தீர்மானம் போட்டதன் மூலம் வேறு எவரும் இலங்கைத் தமிழர் விவகாரத்தில் வேறு எதுவும் பேச முடியாதபடி செய்துவிட்டார். முன்னர் ராஜீவ் கொலையாளிகள் விவகாரத்தில் முதல் முதலில் சட்டசபை மூலம் ஒரு தீர்மானம் நிறைவேற்றினார்.
இதன் மூலம் எல்லாம் தனக்கு இது வரை இல்லாத ஒரு ஓட்டு வங்கியை உண்டாக்கிவிட்டார் என்பது உண்மை.
திமுகவின் வயிற்று எரிச்சாலைக் கொட்டிகொண்டுள்ளார் என்பது ஆறுதலான விஷயம்.
இப்படி எல்லாம் செய்தாலும் இந்த நடவடிக்கை இந்திய தேசத்தின் வெளியுறவுக் கொள்கையில் தலையிடுவதால் தனது வரம்புக்கு மீறிய நடவடிக்கை, ஒரு தவறான முன் உதாரணத்தை ஏற்படுத்திவிட்டார் என்று அசட்டு அம்மாஞ்சி கருதுகிறான்.
“ஊருக்கு நல்லது சொல்வேன் எனக்கு உண்மை தெரிந்தது சொல்வேன் ..”
யாரிடம் வேண்டுமானாலும் அசட்டையாக இருக்கலாம். ஆனால் கூழைக் கும்பிடு போடுவோரைத் தள்ளியே வைப்பது நல்லது. தங்கள் சுய மரியாதையை இழந்தவர்கள், சுய மதிப்பீடு அற்றவர்கள், பதவி பெற என்ன வேண்டுமானாலும் செய்பவர்கள் இவர்கள். கோவிலில் அம்மனைத் தரிசனம் செய்வது போல் நிற்கிறார்கள். இவர்களிடம் சற்று கவனமாக இருப்பது முதல்வருக்கு நல்லது.
ஏதோ நாம் சொல்லி இவர்கள் கேட்கப் போகிறார்களா என்ன ? ஊதுகிற சங்கை ஊதி வைப்போம். விழுபவர் காதில் விழட்டும்.
“It seems to be the rule. One doesn’t want a thing yet has it but the other doesn’t have it but neeeds it. Like men have wives but don’t seem to want them while there sre single souls that need wives but aren’t able to get them ” – Jerome K Jerome , ‘Three men in a boat’.
Somehow when I was reading this it reminded me of Stalin and Azhagiri and their sons. They have been born into this world to fight for the downtrodden, help in the emancipation of the oppressed, standby those that don’t have one square meal a day. But they have unknowing to themselves imported
Toyota Estima, BMW Lexus, Prado and similar such cars that are remotely connected with ‘socil justice’ and their other professed occupations and were also so poor that they didn’t have money to pay the customs duty. How pitiful the situation is!
“It seems to be the rule. One doesn’t want a thing yet has it but the other doesn’t have it but neeeds it. Like men have wives but don’t seem to want them while there sre single souls that need wives but aren’t able to get them ” – Jerome K Jerome , ‘Three men in a boat’.
Somehow when I was reading this it reminded me of Stalin and Azhagiri and their sons. They have been born into this world to fight for the downtrodden, help in the emancipation of the oppressed, standby those that don’t have one square meal a day. But they have unknowing to themselves imported
Toyota Estima, BMW Lexus, Prado and similar such cars that are remotely connected with ‘socil justice’ and their other professed occupations and were also so poor that they didn’t have money to pay the customs duty. How pitiful the situation is!
ஏழைப் பங்காளர்கள். பாட்டாளிக்குப் பங்காளிகள். தமிழனை வாழ வைக்க ஓடாய் உழைத்தவர்கள். பெரியாரின் பகுத்தறிவுப் பாசறையில் பாடம் பயின்றவர்கள்.அண்ணாவின் கை பிடித்து நடந்தவர்கள்.TOYOTA ESTIMA, ROLLS ROYCE, BMW LEXUS, PRADO முதலிய பரம ஏழைகள் பயன்படுத்தும் வாகனங்களை ஏழைகள் வாழ்விற்காக ஏழை நாட்டில் ஏழைகளுக்காக வெளி நாட்டிலிருந்து வாங்கினார்கள். சுங்க வரி செலுத்தவும் வழி இல்லை. அதனால் வரி செலுத்த வில்லை.இது ஒரு குற்றமா ? பகுத்தறிவு புரியாதவர்கள் பிதற்றுகிறார்கள். பாவம் அவர்கள்.
அழகிரி அவர்களுக்கு போலீஸ் பாதுகாப்பு போடப் பட்டுள்ளது.நல்லது தான் அவரும் தான் மகனைப்போல் தலை மறைவாகாமல் தடுக்க உதவும். நல்ல பகுத்தறிவுள்ள யோசனை மற்றும் செயல்.
Amaruvi's Aphorisms 