RSS

Monthly Archives: June 2021

பக்தவத்ஸலம் கொரோனாவைச் சுட்டினாரா?

செக்யூலரிஸ்டாகக் காட்டிக்கொள்ள வேண்டும் என்பதற்காக ‘ஜெய்ஹிந்த்’ முழக்கத்தைத் துவக்கியவர் நேதாஜியுடன் இருந்த அபித் ஹாஸன் தான் என்று சொல்வது துரதிஷ்டவசமானது. செண்பகராமன் தான் துவக்கினார் என்று ரகமி எழுதுகிறார்.

முதல் உலகப்போர் காலத்தவரான செண்பகராமனை அபித் ஹாஸன் ஜெர்மனியில் சந்தித்திருக்கலாம் என்பது ஒரு ஊகம். அவரும் அவ்வாறு சொல்லியிருக்கலாமே தவிர, செண்பகராமன் சொல்லவில்லை என்று சொல்வது எந்த வகையிலும் முற்போக்கன்று. இப்படிச் சொல்வது, உளுத்துப்போன நேருவிய செக்யூலரிஸத்தின் விழுதுகளைப்பிடித்துத் தொங்க உதவுமே தவிர, உண்மையை வெளிப்படுத்த உதவாது. அபித் ஹாஸன் சொல்லியிருக்க முடியாதா என்று கேட்கலாம். அவரும் சொல்லியிருக்க வாய்ப்புள்ளது. ஏனெனில், அவர் நேதாஜியுடன் இந்திய தேசிய ராணுவத்தில் இருந்தவர், தேசபக்தர். ஆனால், முதலில் ஏற்படுத்தியவர் செண்பகராமன் பிள்ளை என்னும் தமிழரே என்பதை உணர்வோம்.

தேசத்தின் உயிர் நாடியானவற்றுக்கு மாநிலஅரசை ஆளும் கட்சி எதிரானதாக இருக்கலாம். அவர்கள் மரபணு அப்படியானது. 2ஜி சிகிச்சை முடிந்தபின் மரபணு மாற்றம் நிகழும். ஆனால் அதுவரை, காற்றில் வாள் சுற்றுபவர்களையும், அடிப்பொடிக் கட்சிகளின் ஆட்களையும் விட்டு உளறிக்கொண்டிருப்பது அவர்களது உரிமை. பேசியவர் சட்டசபைக்குள் பேசினார் என்பதையும் நினைவில் கொள்க. சபைக்குள் பேசியதற்கு வெளியில் நடவடிக்கை எடுக்க வழியில்லை.

எல்லாம் சரி. காங்கிரஸ் க்ட்சியில் எம்.எல்.ஏ.க்கள் என்னவானார்கள்? அக்கட்சியின் தலைவர்கள் ஏன் மௌனம் காக்கிறார்கள் என்கிற கேள்வி அடிப்படை அறிவில்லாதவர்கள் கேட்பது. ஏனெனில் பிச்சைக்காரர்கள் தேர்ந்தெடுத்து உண்ண முடியாது. கிடைப்பதை உண்ண வேண்டும் என்கிற உண்மையை உணர்ந்தவர்கள் அவர்கள். தேசத்தின் மாட்சிமையை விட, தேச பக்தர்களின் தியாகத்தை விட அவர்களுக்கு அன்றாட உணவு முக்கியம். அவர்கள்து தேச பக்தி எல்லை தாண்டியது. இத்தாலி எல்லையில் இருந்து துவங்குகிறது.

கம்யூனிஸ்டுகள் தேசியக் கட்சிகள் அன்றோ என்று கேட்பவர்கள் சுவற்றில் முட்டிக் கொள்ள வேண்டும். தேசிய கம்யூனிஸ்ட் கட்சி என்று என்றும் இருந்தது இல்லை. இருப்பது, கேரள கம்யூனிஸ்ட், அது காங்கிரஸை எதிர்க்கும். மேற்கு வங்க கம்யூனிஸ்ட், அது காங்கிரஸுடன் கூட்டு. தமிழகக் கம்யூனிஸ்ட் , அதற்குச் சோறு கண்ட இடம் சொர்க்கம். தற்போதைய சரணாலயம், அது அறிவாலயம். ஏ.கே.கோபாலன், நம்பூதிரிபாட், டாங்கே, ராமமூர்த்தி ஆகியோர் மார்க்ஸிஸ்ட சொர்க்கத்தில் திரும்பிப் படுத்துக் கொள்வார்கள்.

இது தமிழகம். விஷக் கிருமிகள் பரவிவிட்டன என்று 1967ல் பக்தவத்ஸலம் சொன்னார். அவர் கொரோனாவைச் சொல்லியிருக்க வாய்ப்பில்லை. #ஜெய்ஹிந்த்#JaiHind

 
 

Tags: ,

ஐயங்கார் லஞ்ச் கிடைக்குமா?

யோகா பற்றியெல்லாம் பெரிய அக்கறை இல்லாதவனாகவே தற்போது வரை வாழ்க்கையைக் கடத்திவிட்டேன். 

ஏதோ, யாரோ, யாருக்காகவோ சொன்னதை, யாரோ பொழுது போகாதவர்கள் செய்கிறார்கள். அந்த நேரத்தில் நல்லதாக ஒரு புஸ்தகம் வாசிக்கலாம். நெல்லி மரத்தில் ஏறி வனதுர்க்கை வருகிறாளா என்று பார்க்கலாம். கிச்சி, விஸ்கியோடு பேசிக்கொண்டிருக்கலாம் என்கிற எண்ணம் தான் பள்ளிப் பருவத்தில் இருந்தது. 

நெய்வேலியில் தாஸன் அவ்வப்போது யோகா செய்வதைப்  பார்த்து,  ‘நேராக நிற்காமல் தலை கீழாக நிற்கவா இவர் விடியற்காலையில் எழுகிறார்?’ என்று அவரைப் பார்த்துப் பரிதாபப் பட்டதுண்டு. அவ்வப்போது தான் செய்துவரும் புதிய ஆசனங்களைப் பற்றிச் சொல்வார். புரியாவிட்டாலும் தலை ஆட்டுவதை வழக்கமாகக் கொண்டிருந்தேன். இல்லாவிட்டால் “’சிரஸாஸனா’ – ஸ்பெல்லிங் சொல்லு” என்று எல்லார் முன்னாடியும் மானத்தை வாங்கிவிடுவார் என்பதால் தலையாட்டுவதைப் பழக்கிக் கொண்டேன். திருமணத்திற்குப் பிறகு உதவுகிறது என்பது நிங்கள் அறிந்ததே.

அமெரிக்கா சென்றிருந்த போதெல்லாம் ‘ஐயங்கார் யோகா’ என்று மாமிகள் யோகா செய்வதைக் கண்டு ‘யாரோ பொழுது போகாத ஐயங்கார் மாமா கெழங்கட்டைக்கெல்லாம் யோகா சொல்லிக் குடுத்துட்டு, இப்ப எல்லாரும் யோகா பண்றேன்னு ஆடறதுகள்’ என்று நினைத்தது உண்மை. டெக்ஸாஸில் ஒரு முறை ‘ஐயங்கார் யோகா’ என்று ஒரு பலகையைப் பார்த்து, நல்லதாகத் தளிகையும் கிடைக்கும் என்று நம்பரைத் தட்டினேன். ‘Do you serve Iyengar lunch?’ என்று கேட்டு, அந்த அமெரிக்க மாமியிடமும் வாங்கிக் கட்டிக்கொண்ட பெருமை உண்டு. அதிலிருந்து யோகா மீது கோபம் தான். 

2004-5ல் 35 வயது மதிக்கத்தக்க ஒருவர் சில வாரங்கள் யோகா கற்றுக் கொடுத்தார். பயிற்சி முடிந்த பின்னர் அவர் 55 வயதானவர் என்று அறிந்து திடுக்கிட்டேன். யோகா செய்து எப்படியும் இளமையாகவே இருப்பது என்கிற வைராக்யத்தில் நான்கு நாட்கள் தொடர்ந்து செய்து பின்னர் கழுதை கட்டெறும்பான கதை. பின்னர் யோகா, எக்ஸர்சைஸ் என்றால் காத தூரம். யோகா என்பது சினிமா நடிகைகள் செய்வது என்கிற எண்ணம் பல ஆண்டுகளாக மனதில் இருந்தது. ‘ஏதோ ஃபேஷன் ஸ்டேட்மெண்ட் போல’ என்கிற எண்ணம் இருந்தது.

பிரதமர் மோதியின் முயற்சியால் சர்வதேச யோகா தினம் அறிவிக்கப்பட்ட போது சிங்கப்பூரில் சீனப் பெண் பயிற்சியாளர் யோகா வகுப்பெடுத்தார். சேர்ந்த அனைவருமே இந்திய ஆண்கள் மற்றும் சீனப் பெண்கள். நான் சேரவில்லை. ஆனால், உலகமே வியக்கும் நம் நாட்டுப் பொக்கிஷத்தை நாம் செய்யவில்லையே என்று முதன்முதலில் தோன்றியது. பாரதம் குடி பெயர்ந்தேன். 

லாக்டவுன் வந்தது. ஒரே இடத்தில் அமர்ந்து வேலை செய்து இடுப்பு வலியும் சேர்ந்துகொண்டது. தாயார் காலமான நேரம். அதனால் மன உளைச்சல், கோபம் என்று பலதும் சேர்ந்து கொண்டன. அடிக்கடி தலைவலி. எப்போதும் வரும் வீசிங் பிரச்னை அவ்வப்போது. 2018 வரை ஒரு மணி நேரத்தில் 1500 சொற்கள் கொண்ட செறிவான கட்டுரைகள் எழுத முடிந்தது. 2019ல் குறைந்து 500 சொற்கள் என்று ஆனது. ‘வந்தவர்கள்’, ‘The Stalker’ என்று இரு நாவல்கள், ஆண்டாள் பற்றிய நூல் – இவை எல்லாம் அந்தரத்தில் நின்றன. ‘நெய்வேலிக் கதைகள்’ மட்டும் 2020ல் எழுதி 2021ல் வெளிவந்தது.

ஏப்ரல் 2021ல் திவாகர் அறிமுகமானார். Art of Living மூலம் ‘சுதர்ஸன் க்ரியா’ கற்க முடிவெடுத்தேன். உடற்பயிற்சி என்று எதுவுமே செய்ததில்லையே என்று சேர்ந்துகொண்டேன். ஆன்லைனில் வகுப்பு.

இரண்டு மாதங்கள் ஆகிவிட்டன. இடுப்பு, முதுகு வலிகள் இல்லை. இரண்டு மணி நேரமானாலும் தொடர்ந்து எழுத முடிகிறது. தேவையற்ற எதுவும் காதில் விழுவதில்லை. கொரோனா தொடர்பான / தொடர்பற்ற, அரசியல் தொடர்புடைய / தொடர்பற்ற எந்தச் செய்தியும், அது தொடர்பான விவாதங்களும் என் நினைவு இல்லாமலே என் செவிகளைச் சென்று சேர்வதில்லை. எந்த விதமான உபயோகமற்ற பேச்சோ, வாக்குவாதமோ எந்த ஊடகத்திலும் செய்வதில்லை. தெய்வாதீனமாக ஃபேஸ்புக் ப்ரொஃபைலை ஐந்தாவது முறையாக முடக்கினார்கள். ஆக, அதன் மூலமான சக்தி விரயமும் இல்லை. என் முயற்சி எதுவும் இல்லாமலே எனக்குத் தேவையற்ற எதுவும் என்னிடம் வந்து அடைவதில்லை. எந்தத் துக்கச் செய்தியும் பெரிய பாதிப்பை ஏற்படுத்துவதில்லை. மனம் ஒரு தனியான தளத்தில் உலவுவதை உணர்கிறேன். யாருக்கும் எந்தப் பிரச்னையிலும் எந்தச் சாய்வும் இல்லாமல், என் மனம் பாதிக்காத அளவில் அறிவுரை சொல்லவும் முடிகிறது. எவ்வளவு நேரம் வாசிக்கிறோம் என்பது தெரிவதில்லை. தோன்றும்போதெல்லாம் எழுத முடிகிறது. 

மேற்சொன்னவற்றை நான் உணராமல் இருந்திருக்கிறேன். ‘உத்திரப் பிரதேசத்துல என்ன ஆகும். இப்ப ஏதோ பிரச்னையாமே’ என்று மனைவி கேட்டபோதுதான் பாஜகவில் ஏதோ குழப்பம் என்பதைத் தெரிந்துகொண்டேன். அந்த அளவிற்கு இந்தப் பயிற்சிகள் என்னை அன்றாட நிகழ் அரசியல் குழப்பங்களில் இருந்து விலக்கி வைத்துள்ளது என்பதை அறிந்துகொண்டேன்.

தற்போது வேறு புதிய பிறவியை அனுபவித்துவருகிறேன். காலை 8:30 முதல் மாலை 7:00 வரை அனேகமாக அலுவலக வேலை. அதன்மூலம் உண்டாகும் தலைவலி, சோர்வு. 7:30 – 8:30 க்ரியா, அதைத் தொடர்ந்து சிறிது தியானம். அன்றைய களைப்புகள், அயர்வுகள் அனைத்தும் பறந்துவிடுகின்றன. பின்னர் 10:00 மணி வரை எழுதுகிறேன், வாசிக்கிறேன்.

பெரியவனையும் சுதர்ஸன் க்ரியா பயிற்சி வகுப்பில் சேர்த்துவிட்டேன். அவனும் பலன் பெற்றுள்ளான்.

சர்வதேச யோகா தினத்தில் நீங்களும் இவ்வகையிலான நன்மைகளை அனுபவிக்க உங்களை அழைக்கிறேன். சுதர்ஸன் க்ரியா தொடர்புக்கு : திவாகர் – +91-94429-61540. என் பெயரைச் சொல்லுங்கள். பெருமாள் பெயரைச் சொன்ன புண்ணியம் கிட்டும். #Yogaday

பி.கு.: ‘வந்தவர்கள்’ நாவல் செப் 15 நிறைவுறும். பின்னர் விரைவில் வெளியீடு. 

 
 

Tags:

கல்வியின் நிலை

ஊழலுக்காகச் சிறை சென்றுதிரும்பி வந்த உத்தமர் ஒருவரை, அவர் சிறை செலும் முன்னர் பல்கலைக் கழகத் துணை வேந்தர்கள் சென்று சந்தித்து வந்தனர். என்ன பேசிக்கொண்டிருப்பார்கள் ? அவருக்கும் இவர்களுக்கும் என்ன தொடர்பு? என்று யோசித்ததுண்டு.அதற்கான விடை கிடைத்தது.

முன்னேறியதாக அறியப்படும் வகுப்பைச் சேர்ந்த அறிவியல் பேராசிரியர் ஒருவரிடம் பேசிக்கொண்டிருந்தேன். முனைவர் பட்டங்களின் தரம், அவர்கள் எடுத்துக் கொள்ளும் தலைப்புகள், ஆராய்ச்சிப் பணிக்கான மாநிலத் தேர்வின் தரம், மத்தியத் தேர்வின் தரம், சுய நிதி வகுப்புகள் துவங்க நடக்கும் பேரங்கள், அரசுப் பணியில் உள்ள கல்லூரி ஆசிரியர்களின் பணி இட மாற்றங்களின் ரூபாய் மதிப்பு, முனைவர் பட்டங்கள் திருடு போவது, பி.காம். வகுப்புகள் துவங்கக் கல்லூரிகள் காட்டும் ஆர்வம், துணை வேந்தர் நியமனப் பொருளாதாரம் என்று பலதைப் பற்றியும் தெரிந்துகொண்டேன்.

அடிப்படை அறிவியல் (Fundamental Science) துறையில் அரசின் மெத்தனம் ஏன் என்று தெரிந்துகொண்டேன். பல நுணுக்கங்கள் உள்ளன.நுழைவுத் தேர்வுகள் வரவிடாமல் செய்வதில் உள்ள பொருளாதார அரசியல் பிரமிக்க வைக்கிறது.

மேற்சொன்னவற்றை வைத்து 500 பக்க நாவல் எழுதமுடியும். அவ்வளவு தகுடுதத்தங்கள், சிறுமைகள், கீழ்மைகள், மிரட்டல்கள், அதிகார துஷ்பிரயோகங்கள், சாதி அடிப்படையிலான துவேஷங்கள், NAAC தரச்சான்று பெறுவதில் உள்ள கல்வி சாரா நடைமுறைகள் எல்லாம் குமட்டலை வரவழைக்கின்றன.

இவை முன்னேறியதாகப் பறைசாற்றப் படும் மாநிலத்தில் நடக்கும் அவலங்கள். மற்ற மாநிலங்களின் நிலை பற்றி ஊகிக்கலாம்.பாரதத்தில், அதுவும் முன்னேறிய அந்த மாநிலத்தில் இருந்து அறிவியலுக்கான நோபல் பரிசுக்குச் சாத்தியமே இல்லை என்பதைத் தெளிவாகப் புரிந்துகொண்டேன்.

பெரிய அளவிலான வருத்தம் மட்டுமே மிஞ்சியது.

 
Leave a comment

Posted by on June 20, 2021 in தமிழ்

 

Tags: ,

நெய்வேலிக் கதைகள் – மதிப்புரை

கலைமகள் பத்திரிக்கையில் ‘நெய்வேலிக் கதைகள்’ நூல் மதிப்புரை வந்துள்ளது. வெளியிட்ட கலைமகள் நிறுவனத்தாருக்கு நன்றி.

நெய்வேலிக் கதைகள்

நூல் வாங்க, இங்கே சொடுக்கவும்.

கிண்டிலில் வாசிக்க இங்கே சொடுக்கவும்.

 
Leave a comment

Posted by on June 15, 2021 in book review

 

Tags: ,

The Family Man 2 – a layman’s review

Shrikant Tiwari, a TASC (NIA) agent, hunts down LTTE terrorists to save the Indian Prime Minister. Amidst flying bullets, we see epithets and F-words and cuss words raining cats and dogs. When characters aren’t using cuss words, they shoot or travel by a Mahindra Scorpio. That is Family Man 2 for the lay man.

Manoj Bajpayee, true to his skills, plays Shrikant Tiwari exceptionally well. While the Prime Minister Ms.Basu is modelled on the lines of Mamta Banerjee, she talks about PM Narendra Modi’s ‘Make in India’ schemes. Basu’s meeting with Sri Lankan President Rupatunga resembles the Modi-Xi meet at Mahabalipuram, for the event is quite recent. Modi’s many overtures to Tamil Nadu finds a mention in Basu’s saying so – ‘maine ithna kiya in logon ko’. Basu doesn’t spot the bindi, a prominent symbol of bengali hindu women. Here again, Mamta Banerjee sneaks in.

The series is a thriller yet has its scenes of cryptic humour. The scenes were Talpade, Shrikant’s assistant, drools over Umaiyal, the police officer from Tamil Nadu, are a treat to watch. Shrikant’s personal life, full of troubles, is an un-welcome distraction though.

The series talks about ISI-LTTE links. Though the LTTE had tried to get help from Palestinian rebels, it has not been fully established that the now defunct LTTE had anything to do with Pakistan’s ISI. Reality was that Pakistan had hobnobbed with Sri Lankan govt to needle India.

The characterisation of the female terrorist, Raji, merits attention. Played brilliantly by Samantha Akkineni, Raji, though the tough fighter that she is, has a soft corner for the Pakistani agent Sajid. This is depicted not so explicitly but becomes visible when, on hearing about his death, Raji stops her dinner midway and moves from the scene abruptly.

The characters of Bhaskaran and Deepan are modelled definitely after LTTE Chief Prabhakaran and LTTE’s chief ideologue Anton Balasingham. However the events that take place are not true. It is true that Balasingham’s words did not carry weight with Prabhakaran in the post 9/11 world and that ultimately led to the obliteration of the LTTE.

Muthu, the TASC office from Tamil Nadu is played brilliantly by Ravindra Vijay. When Talpade talks about ‘South Indian Food’, Muthu asks, which state in South India as there are five states that comprise of South India.

The attention to detail in the series merits attention. When Raji goes into Jebaraj’s home, the poster in the background displays the ‘Eelam’ geography and talks about remembrance. The clock shows 8:15 when Tiwari’s family has its dinner and later, when Tiwari and his wife have a chat, clock shows 8:45. Many such items show the efforts the crew has put in for the production.

A treat to watch – Family Man 2.

P.S.: The executive producer’s name is Rahul Gandhi. And the irony shows.

 
 

Tags: ,

சோலியை முடித்தல்

கடைசியில் சோலியை முடித்தேவிட்டார்கள். ஃபேஸ்புக் கணக்கு முடக்கப்பட்டது.

பெற்றொரை இழந்த, இரண்டு வயதுக்கு உட்பட்ட பெண் குழந்தையைத் தத்தெடுக்க வழிகள் யாவை என்று நண்பர் கேட்டிருந்தார். அவருக்காக ஒரு சிறு பதிவை எழுதியிருந்தேன்.

‘அதெப்படி பிராமணன் பெண் குழந்தையைத் தத்தெடுக்கலாம். அதுவும் நீ இப்படி வழி சொல்லலாமா? சாஸ்திரம் என்னாவது? பெண்ணைத் தத்தெடுக்க வழியே இல்லையே? அவள் என்ன கோத்திரம் என்று எப்படி தெரிந்துகொள்வது? வர்ணம், ஜாதி என்னவென்று அறிந்துகொள்வது எப்படி? பிராமணக் குலத்தை வேரறுக்க வந்த கோடாரிக் காம்பே..’ என்பதாகச் சிலர் பொங்கி வழிந்தனர்.

இந்தப் பதிவு பரவலாகப் பகிரப்பட்டது. ஒரு கிறித்தவக் குழுவில் அந்தப் பதிவும் அதற்கான பதில்களும் பகிரப்பட்டுப் பேசப்பட்டன. மதம் மாற்ற உண்டான வழிகளை இதில் இருந்து எடுத்துக் கொள்ளலாம் என்கிற ரீதியில் அவ்விடத்தில் பேசிக்கொண்டனர். எனவே பதிவை நீக்கினேன்.

பின்னர் பொதுவாக இந்த விஷயத்தில் என்னதான் வழி? தற்போது கொரோனா காலத்தில் பெற்றோரை இழந்த பெண் குழந்தைகளுக்கு என்ன வழி உள்ளது? சாஸ்திரத்தில் பரிகாரங்கள் உள்ளனவா? இல்லையெனில், வேறு என்னதான் வழி? சாஸ்திர வல்லுநர்களும் மடாதீசர்களும் சேர்ந்து ஒரு முடிவைத் தெரிவியுங்கள் என்று பணிந்து கேட்டுக்கொள்கிறேன் என்று எழுதியிருந்தேன்.

பல நூறு பின்னூட்டங்கள், சில நூறு பகிரல்கள் என்று துவங்கிய பரவல், அச்சில் ஏற முடியாத சொற்களைக் கொண்டு விமர்சிக்கப்படது. தனிமனிதத் தாக்குதல்கள், ஜாதி வெறி, இடையிடையே திக சீண்டல்கள் என்று சென்றுகொண்டே இருந்தது. நல்ல எண்ணத்தில் கேட்ட பேள்விக்குக் கிடைத்த பரிசு இவை.

எழுத்தாளர்கள் கொஞ்சம் கொந்தளிப்பிலேயே இருப்பார்கள். ஆனால், கொந்தளிப்பில்லாமல் சில கேள்விகளுக்குப் பதிலும் அளித்து வந்தேன். (இதில் இருந்தே நான் எழுத்தாளன் அல்லன் என்பதை நீங்கள் தெரிந்துகொள்ளலாம்). நல்ல பலன் கிடைக்கும் என்கிற எதிர்பார்ப்பில். ஆனால் கிட்டியதோ வசவுகள்.

பின்னர் யாரோ சிலர் ஃபேஸ்புக்கிடம் புகாரளிக்க, என் ப்ரொஃபைல் பக்கம் முடக்கம்.

தற்போது சுதந்திரப் பறவை.

சுபம்.

 

Tags:

ஜெயமோகன் மற்றவர்களையும் கௌரவிக்க வேண்டும்

சோஷியல்பிராப்ளம், பொலிடிக்கல் பிராப்ளம், மாரல் பிராப்ளம் எல்லாம் எகனாமிக் பிராப்ளம் அல்ல என்ற தெளிவை அடையவைப்பார்கள். மோடி என்ற ஒரே மனிதர் நான்கு பிராப்ளமாகவும் ஒரேசமயம் ஆகமுடியும் என்று உணர லைசாண்டர் சார் உயிருடன் இல்லை.

”கல்வி’ என்னும் தலைப்பில் ஜெயமோகனின் நகைச்சுவைக் கட்டுரையில் மேற்சொன்ன வரிகள்.பிரதமர் மோதி, போகிற போக்கில் எழுத்தாளர் பயன்படுத்தும் ஒரு சொல்லாக மாறியுள்ளது மகிழ்ச்சியளிக்கிறது. அன்றாட வாழ்வியலில் ஒன்றாக மோதியின் பெயர் உருப்பெற்று வந்துள்ளது நல்லதே.

ஆனால், ‘மோடி’க்குப் பதிலாகக் கழகத்தின் கடைக்கோடி வட்டச்செயலாளர் பெயர் இருந்திருந்தால், கருத்துரிமை இந்நேரம் பிணை கோரி நின்று (பாலிமர் நினைவிருக்கலாம்), நிற்கும் நேரத்தில் ‘ஒற்றை இந்துத்துவ எதிர்ப்பு’ பிரசங்கம் நிகழ்த்தியிருக்கும். இது நிதர்ஸனம்.

‘மோடி’யின் பெயரைப் பயன்படுத்தக் கூடாதா என்பதன்று. வேறு யார் பெயரையும் பயன்படுத்த முடியாது என்பதே நிதர்ஸனம் என்பதே இங்கு நிலை.

நேருவைப் பற்றி ஷங்கர் கார்ட்டூன் வரைந்தார், அவர் இருந்த காலத்திலேயே. சுமார் 4000 கார்ட்டூன்கள். அதைப் பற்றி நேரு சொன்னது: ‘Shankar has that rare gift… he points out, with an artist’s skill, the weaknesses and foibles of those who display themselves on the public stage. It is good to have the veil of our conceit torn occasionally’.

ஆனால், தமிழகத்தில் யாரைப் பற்றியும் எழுத, வரைய முடியாது.

உளறிக்கொட்டும் அமைச்சரைக் கேள்வி கேட்டால் ப்ளாக் செய்கிறார். அடிப்படைப் பொருளாதார அறிவில் சிக்கல். நிதித்துறை கோவில் துறை பற்றிப் பிதற்றல் மற்றும் தனிநபர் அவதூறு. கோவில் துறை வட மாநிலத்தவரைப் பழிக்கிறது. கல்வித்துறை, அரசு உதவி பெறாத, நடுவண் அரசப் பாடத்திட்டத் தனியார் பள்ளியை அரசு கைகொள்ளும் என்கிறது. அகில இந்திய நுழைவுத் தேர்வு தமிழகத்திற்குக் கிடையாது என்கிறது. உச்ச் நீதி மன்ற ஆணை தெரிந்துதான் சொல்கிறார்களா? குடிமைப் பணி செயலர்கள் என்று படித்தவர்கள் யாருமே இல்லையா?

பொறுப்பு கண்ணியத்தை அளிக்க வேண்டும். அதுவும் பொதுவெளியில் வார்த்தைகள் மீது அதிகக் கவனம் தேவை. இவர்களுக்கு யார் புரிய வைப்பது? இவற்றை அரசியல் தலைவர்கள் உணர, அவர்களையும் ஜெயமோகன் தனது கட்டுரைகளில் சேர்த்துக் கொண்டு கௌரவிக்க வேண்டும். வெண்முரசியற்றியவர் செய்யாமல் யார் செய்வது?

ராஹுல் காந்தியின் சொற்களைக் கொண்டு மற்றுமொரு நகைச்சுவை நாவல் கூட எழுதலாம். கேஜ்ரிவாலின் 180 டிகிரி பல்டிகளைச் சுட்டி ‘தலைகீழ் பார்வைகள்’ என்னும் தலைப்பில்கட்டுரைகள் புனையலாம். மம்தா பானர்ஜியின் ஆட்டங்களைக் கொண்டு ‘சாக்த பூமியில் ஊழியாட்டங்கள்’ என்றோ, பெண் அமைச்சருக்கு முதல்வர் பதவி வழங்க மறுத்த முன்னேறிய கேரளத்தைப் பற்றி ‘ஷைலஜ மஹாத்மியம்’ வரையலாம். இன்னும் எவ்வளவோ.

எந்தத் தலைவரின் பெயரைப் பயன்படுத்தியும் பகடி செய்ய உரிமை உள்ளது. தரக்குறைவாக, மரியாதைக் குறைவாக இருக்கலாகாது. அவ்வளவே.

நேருவின் சொற்களின் படி ‘அகம்பாவம் என்னும் முகத்திரை அவ்வப்போது கிழிக்கப்படுவது நல்லது’.

மோடிக்குப் பொருந்துவது எந்தத் தாடிக்கும் பொருந்துமன்றோ?

ஜெயமோகனின் கட்டுரை இங்கே

 
 

Tags: , ,

 
%d bloggers like this: