Tag: தமிழ் நாடு

சார் நாங்க மூணு பேர் சார். கொஞ்சம் பார்த்து செய்யுங்க. விலைவாசி உங்களுக்கே தெரியும்.

ஐயா டூட்டிலே ரௌண்டஸ்லெ இருக்காரு. இருங்க. சாயங்காலம் வருவாரு.அப்போ கையெழுத்து வாங்கலாம். இல்லே அவசரம்னா உள்ளே மூணாவது டேபிள் E-3 இருப்பாரு. அவரைப் பாருங்க. மூடிச்சுக் குடுத்துடுவாரு.

சார் சொன்னா புரிஞ்சுக்குங்க. இது E1 கிளார்க் டேபிள்.உங்க பைல் இங்கே தான் இருக்கு. நாளைக்குதான் E2 டேபிள் போகும். பைல் டெஸ்பாடச் அட்டே ண்டர்   இன்னிக்கு லீவு. அவரு வந்து தான் டேபிள்  நகர்த்தணும்.என்ட்ரி போட்டுட்டு செய்யணும். அதாலே நாளைக்கு வாங்க.

சார் த்ரீ பேஸ் மீட்டர் ஸ்டாக் இல்லே..நீங்களே வாங்கிக் கொண்டாங்க. நாங்க என்ட்ரி போட்டுக் கொடுப்போம். அப்புறம் மீட்டர் டெஸ்டிங் லேப் கொண்டு போங்க. அவங்க டெஸ்ட் பண்ணுவாங்க. பிறகு அதை எங்களுக்கு அனுப்புவாங்க.நாங்க எங்கே வேலை எல்லாம் முடிஞ்சு ரோஸ்டர் படி உங்க வீட்டுக்கு எப்ப வந்து போடணுமோ அப்போ போடறோம். எதுக்கும் A.E.  உள்ளே இருக்காரு. ஒரு தடவை “பார்த்துட்டுப்” போங்க.

தம்பி, ஒன் சைடு, லைட் இல்லே, இன்சூரன்ஸ் இல்லே, ஆர்.சி.புக் , பாஸ்போர்ட், ரேஷன் கார்டு,  பர்த் சர்டிபிகேட் , அம்மை ஊசி அட்டை இப்படி எதுவும் வேணாம். கோர்ட் போனா 5000 ரூபா பைன். ஐயா வந்தா 2000 ரூபா கட்டறியா இல்லே 500 ரூபாயோட முடிச்சுக்கலாமா? எப்படி வசதி?

யோவ், வண்டிய  நிப்பாட்டு, மந்திரி போறாரு. ஒரு அரை அவர் ஆவும். ஓரமா நில்லு. இது என்ன உன் அப்பன் ஊட்டு ரோடா?

யோவ், ஊட்லே சொல்லிகினு வன்ட்டியா? சுத்த கஸ்மாலமா கீறே. பனகல் பார்க் எங்கே இருக்கு, உஸ்மான் ரோடு எங்கே இருக்கு.. அம்பது ரூபா தரேன்றியே.. 300  ரூவா கொறஞ்சு வராது. நல்லா வந்து சேர்ந்துகிது பாரு காலங்கார்த்தாலே.. படா ரோதனப்பா …

இப்படி எந்த பேச்சும் கேட்காமல் இரண்டு வருடங்களாக இருந்துவிட்டு திடீரென்று இவற்றில் ஏதாவது ஒன்றைக் கேட்டால் ஒரு மனிதனுக்கு ஏற்படுவது :

அ. மாரடைப்பு

ஆ. சித்தசுவாதீனம் இழப்பு

இ. பக்கவாதம்

ஈ. வாந்தி பேதி

உ. இவை அனைத்தும் ஒருசேர

சரியான விடை அனுப்பும் அதிர்ஷ்டசாலி நேயருக்கு ஒரு வருட முரசொலியும் ஒரு வருட நமது எம்.ஜி.ஆர். உம்  அனுப்பிவைக்கப்படும்.

ஒரு விஷயம் புரிய வில்லை. ஏதோ ராமதாஸ் இன்று தான் சாதி வெறி பிடித்து அலைவது போலவும் அதனால் அவரைக் கண்டித்து அனனவரும் பேசுகிறார்கள்.

அவர் இதுவரையிலும் இப்படித்தானே இருந்து வந்துள்ளார்?  சாதி வெறி பிடித்துத் தானே பேசி வந்துள்ளார் ?  அவரது செயல்பாடுகள் அப்படித்தானே இருந்தன?  ஒன்று தலித்துக்களைத் தாக்கிப் பேசுவார்.அல்லது பிராம்மணர்களைத் தாக்கிப் பேசுவார்.  தற்போதும் அப்படித்தானே பேசியுள்ளார்?  இதில் என்ன புதுமை ?

வன்முறை செய்தார்கள் என்றால் – இதுவரையும் அதுதானே செய்தார்? மரம் வெட்டினார். அரசுப்பேருந்துகள் கொளுத்தினார். தற்போதும் அதைத்தானே செய்கிறார். கூடவே மனிதனையும் வெட்டுகிறார். அவ்வளவே.

நேற்றுவரை பெரியார் வழி என்றார். அப்போதெல்லாம் அவர் இனித்தார். இப்போது ஆகவில்லை.  இதுதான் பகுத்தறிவோ?

ஓரிரு மாதம் வரை திருமாவுடன் சேர்ந்து தமிழ் வளர்க்கிறேன் என்று கூத்தடித்தார். ஆட்சிக்குவந்தால் ஒரு தலித்தைத் தான் முதல் மந்திரி ஆக்குவேன் என்றார். வர மாட்டோம் என்று அவ்வளவு நம்பிக்கை.

இன்று மணக்க மணக்கப் பேசும் அரசியல்வாதிகள் நேற்றுவரை அவரைத்தானே கூட்டில் வைத்திருந்தனர். அப்போதெல்லாம் தெரியவில்லையா அவர் சாதி வெறியர் என்று?

நீங்கள் எல்லாம் கூட்டு வைக்கும் போது அவர் நல்லவர், விஷ்ணுவின் அவதாரம். இப்போது கெட்டவர்.  ஆகவே கைது.

பெரியாரும் அண்ணாவும் சாதியை ஒழித்துவிட்டார்கள் என்றும் அதனால் பாலாறும் தேனாறும் ஓடுகிறது என்றும் பேசினோமே, எழுதினோமே. அப்போ எல்லாமே பேத்தல் தானே?

 

ஏழைப் பங்காளர்கள். பாட்டாளிக்குப் பங்காளிகள். தமிழனை வாழ வைக்க ஓடாய் உழைத்தவர்கள். பெரியாரின் பகுத்தறிவுப் பாசறையில் பாடம் பயின்றவர்கள்.அண்ணாவின் கை பிடித்து நடந்தவர்கள்.TOYOTA ESTIMA, ROLLS ROYCE, BMW LEXUS, PRADO முதலிய பரம ஏழைகள் பயன்படுத்தும் வாகனங்களை ஏழைகள் வாழ்விற்காக ஏழை நாட்டில் ஏழைகளுக்காக வெளி நாட்டிலிருந்து வாங்கினார்கள். சுங்க வரி செலுத்தவும் வழி இல்லை. அதனால் வரி செலுத்த வில்லை.இது ஒரு குற்றமா ? பகுத்தறிவு புரியாதவர்கள் பிதற்றுகிறார்கள். பாவம் அவர்கள்.

திருவல்லிக்கேணியில் திருவள்ளுவருக்கு சிலை வைத்தாலாவது ஒரு அர்த்தம் இருக்கிறது. ஆனால் கன்னியாகுமரிக்கும் அவருக்கும் என்ன சம்பந்தம்? அமாவாசைக்கும் அப்துல் காதருக்கும் இருக்கும் சம்பந்தம் மாதிரி போலே .. அதோடு அவர் ஏன் கடலைப் பார்க்கிறார் ? நாட்டு நடப்பு அவ்வளவு சரி இல்லையோ ? இருக்காதா பின்னே ? “கள் உண்ணாமை” பற்றி அதிகாரம் எழுதினர் ஆனால் அரசாங்கமே கள்ளுக்கடை நடத்தினால் அவர் எப்படி நாட்டைப் பார்ப்பார் ?