RSS

Tag Archives: மோதியைக் கும்பிடடி பாப்பா

மோதியைக் கும்பிடடி பாப்பா – 2

எப்போதுமே அதிகார வர்க்கம் பெரிய பண்ணையார்களிடமும் பெருமுதலாளிகாளால் ஆட்டுவிக்கப்படும் மேட்டுக்குடிகளிடமும் மட்டுமே அடிபணியும். ஆனால் இப்போது ஒரு முன்னாள் தேநீர் தொழிலாளி அதிகாரம் செலுத்துகிறார். அவரிடம் அடிபணிய வேண்டியுள்ளது. அரசு அதிகாரிகளை மட்டும் சொல்லவில்லை. அதிகாரம் பரவலாக உள்ள இடைத் தரகர்களும் மோதியால் பாதிக்கப்பட்டுள்ளார்கள்.

அதிகாரிகள் இட மாற்றம் என்பது மிக லாபகரமான தொழில். ஒரு அரசு அதிகாரி ஓரிடத்திலிருந்து இன்னொரு இடத்திற்குப் பணி மாற்றம் பெற வேண்டும் என்றால் நேரே தனது உயரதிகாரியைப் பார்க்க மாட்டார். அந்த உயரதிகாரியைக் கைக்குள் போட்டுக்கொண்டுள்ள பத்திரிக்கையாளரைப் பார்ப்பார். அவருக்குச் செய்யவேண்டிய சம்பாவனைகளைச் செய்தபின் அதிகாரியின் பணிமாற்றம் தானாக நடக்கும்.

இது இப்போது நடப்பதில்லை. ஏனெனில் இந்த ‘பணியிட மாற்ற’ தொழில் அடியோடு நின்றுவிட்டது. ஏனெனில் அந்தப் பத்திரிக்கையாளர்களுக்கு அதிகார வர்க்கத்திலும், அரசின் உயர் இடங்களிலும் செல்வாக்கு இல்லை. ஏனெனில் இந்தப் பத்திரிக்கையாளர்கள் தில்லியில் தங்குவதற்கு இடமில்லை. ஏனெனில் இந்தப் பத்திரிக்கையாளர்கள் தங்கும் அரசுக்குச் சொந்தமான லுட்யென்ஸ் பூங்காப் பகுதியில் இருந்து அந்தப் பத்திரிக்கையாளர்களை வெளியேறச் சொல்லிவிட்டது மோதி அரசு. குறிப்பாக வெங்கையா நாயுடு.

இதனால் பத்திரிக்கையாளர்கள் தங்கள் பகுதி நேரத் தொழிலான தரகர் வேலை பார்ப்பது இல்லாமலாகிவிட்டது. பண வரத்து நின்றுவிட்டது. இருக்கவும் இலவச இடம் இல்லை. வராதா கோபம். அதனால் பத்திரிக்கையாளர்கள் பொங்குகின்றனர்.

முந்தைய அரசின் அமைச்சரவை உருவாக்கத்தின் போது பர்க்கா தத், வீர் சங்வி, கனிமொழி, நீரா ராடியா முதலியோர் நடத்திய பேரங்கள் நினைவிற்கு வரலாம். அப்படியான பேரங்கள் இப்போது இல்லை. மானம் கெட்டு சந்தி சிரித்தபின் வீர் சங்வியும் பர்க்கா தத்தும் இன்னமும் ஊடக வெளியில் நல்ல தங்காள் வேஷம் போடுவது இந்திய ஆங்கில ஊடகங்களின் பத்தரை மாற்றுத் தங்கத் தன்மைக்கு உதாரணம். இம்மாதிரியான பேரங்கள் பா.ஜ.க. அரசில் இல்லை. எனவே பத்திரிக்கைப் பகலவன்களுக்கு வரும்படியும் இல்லை.

இன்னொன்றும் உண்டு. மோதி பதவி ஏற்றவுடன் வெளி நாடுகள் செல்ல ‘ஏர் இந்தியா ஒன்’ எனப்படும் அரசு விமானத்தில் எந்தப் பத்திரிக்கயாளர்களுக்கும் இடம் இல்லை என்று அறிவித்துவிட்டார். பிரதமருடன் பயணம் செய்ய தூர்தர்ஷன், ஆகாசவாணி என்று அரசு நிறுவனங்களுக்கு மட்டுமே அனுமதி உண்டு என்றும் சொல்லிவிட்டார். அரசுப் பணத்தில் தனியார் தொலைக்காட்சிகள் கொழித்த நிலை மாறியது. தனியார் தொலைக்காட்சிகளில் பிரதமரின் பயணம் குறித்த செய்தி வரவேண்டுமானால், அவர்கள் அரசுத் தொலைக்காட்சியிடம் பணம் கொடுத்துக் காணெளிகளைப் பெறலாம் என்றும் ஆனது.

அடி மேல் அடி. அரசுப் பணத்தில் இலவசமாய் ஊர் சுற்ற முடியாது; தில்லியில் தங்கி வியாபாரம் நடத்த முடியாது. எனவே ‘பொங்கி எழுந்தன புல்லர் கூட்டம்’. ‘சகிப்புத்தன்மை அற்ற அரசு’ என்று பெயர் சூட்டின. ஊரான் வீட்டுக் காசை எடுத்து வயிறு வளர்க்க வழி இல்லை என்றால் ‘சகிப்புத்தன்மை இல்லை’. இது என்ன பகுத்தறீவோ என்ன கண்றாவியோ!

125 கோடி மக்களில் நான் எப்போதுமே ஆட்டுப் புழுக்கையைப் போலவே நடத்தப்பட்டுள்ளேன். நான் மட்டும் அல்ல, எல்லா சாதாரணக் குடிமகன்களுமே அப்படித்தான். பைசா பிரயோசனமில்லாத கவுன்சிலர்கள் முன் கூட மரியாதையாக நின்று பேச வேண்டிய நிலையிலேயே இருந்திருக்கிறேன். அப்படி இருக்கையில் ஒரு நாள் பிரதமரிடமிருந்து இந்த வாழ்த்து வந்தது. எனக்குப் பிறந்த நாளாம்.

img_0353 125 கோடியில் ஒருவன், அரச வர்க்கங்களாலும் சாதாரண மின் ஊழியர்களாலுமே கூட உதாசீனப்படுத்தப்பட்டுள்ள எனக்குப் பிரதமர் வாழ்த்து அனுப்புகிறார். அது பிரதமரின் இணையச் செயலி வழியாக, தானியங்கித் தொழில் நுட்பத்தில் வந்த வாழ்த்து தான். ஆனால் வாழ்த்து வந்தது. 125 கோடியில், ஒரு கோடியில் உள்ள எனக்கு என் நாட்டுப் பிரதமர் வாழ்த்து அனுப்புகிறாரே, இப்படியும் ஒரு பிரதமரா! என்று எண்ணக் கூடாதாம். ஏனெனில் அவர் பாசிஸ்டாம். சொல்கின்றன பத்தரை மாற்றுத் தங்கங்கள்.

பிரதமர் என்ன சொன்னார்? ‘சுத்தமான பாரதம்’ என்றார். ‘ஸ்வச்ச பாரத்’ என்றார். இதில் என்ன தவறு? இதில் என்ன ஹிந்துத்வா வெறி வந்தது? வேஷம் போடுகிறாராம். நாட்டைத் திருத்துவது போல் நடிக்கிறாராம். 65 ஆண்டுகளாக நடித்தே நாசமாக்கிய நடிகர் திலகங்கள் சொல்கிறார்கள்.

வேறென்ன சொன்னார் பிரதமர்? ‘பெண்களைப் படிக்க வையுங்கள்’ என்றார். பெண் குழந்தைகளுக்காக அதிக வட்டி தரும் வைப்பு நிதியை அறிவித்தார். இதில் என்கு வந்தது ஹிந்துத்வ வெறி?  ‘சுகன்யா சம்ரித்தி’ என்கிற இந்தத் திட்டம் என்ன பாசிசத் திட்டமா? 65 ஆண்டுகளாக ‘நடு-நிலை’ காங்கிரஸ் ஏன் இப்படி எதையும் கிழிக்கவில்லை? காங்கிரஸ் கிழிக்காததைப் பற்றி ஊடகங்கள் மூச்சு விட வேண்டுமே!  உளறுவதற்கு எதுவும் இல்லையென்றால் இப்படியா இந்தத் திட்டத்தையும் பழிப்பது?உங்கள் மதச் சார்பின்மையில் மண்ணை வாரிப் போட.

வங்காளத்தில் சேர்ந்து கொள்வார்களாம் கேரளத்தில் எதிரணியில் நிற்பார்களாம். நாசகார காங்கிரசும் நபும்சக கம்யூனிஸ்டும் சேர்ந்தும் பிரிந்தும் நாட்டைக் கெடுக்கிறார்கள். இந்த இரட்டை நிலையைக் குடைவது தானே பார்க்கா தத்தும், வீர் சங்வியும். மதச்சார்பின்மை கெட்டுவிடுமே, அதனால் மௌன விரதம்.
sonia_karuna
இந்த அழகில் தி.மு.க.வுடன் கூட்டு. நல்ல கூத்து. கூடா நட்பு என்று வாய் கிழிந்து இரண்டு வருடம் ஆகவில்லை. வாய் எச்சில் உலர்வதற்குள் கேடுகெட்ட கூட்டணி. இதைக் கேட்க மாட்டார்கள் ஊடகத்தினர். மதச்சார்பின்மை கெட்டுவிடுமே.
இதையெல்லாம் கேட்க ஊடகத்தில் நடுநிலையாளர்கள். இல்லை. அவர்கள் இருந்த இடத்தில் நடுகற்கள் நிமிர்ந்து நிற்கின்றன.
என்னவாவது சொல்லியே ஆக வேண்டும். அதில் பொருள் இருந்தாலும் இல்லாவிட்டாலும் உளறுவதை நிறுத்தக் கூடாது. வாங்கிய காசுக்கு விடாமல் குரைக்க வேண்டும். அது தான் பகுத்தறிவு, மதச்சார்பின்மை.

(தொடரும்)

 
Leave a comment

Posted by on June 14, 2016 in Writers

 

Tags: ,

மோதியைக் கும்பிடடி பாப்பா

மோதியைக் கும்பிடுகிறார்கள். மோதி பக்தர்கள். சங்கிகள். பாசிச துதிபாடிகள். இந்துத்வ முட்டாள்கள். அடிப்படைவாதிகள். காவிகள். பண்டாரப் பரதேசிகள்.

இந்தியாவைப் புகழ்ந்து அல்லது பிரதமர் மோதியின் ஏதாவது ஒரு செயல்பாட்டைப் புகழ்ந்து நீங்கள் எழுதியிருந்தால் உங்களை மேற்சொன்ன அடைமொழிகளால் அழைத்திருப்பார்கள்.  கொஞ்சம் ஆங்கிலம் தெரிந்தால் ‘Howling Brigade’ என்று அழைப்பர்.

மோதியைப் புகழ்வதும் பாரதத்தைப் புகழ்வதும் ஒன்றில்லை என்றும் அறிவுறுத்துவர். மோதி குஜராத்தை இந்துத்வப் பாசறையாக்கினார் என்பர். கொலைஞர் என்பர்.

யார் இவர்கள்? ஏன் இப்படிச் சொல்கிறார்கள்?

சாதாரண தேநீர் விற்பவர் தேசத்திற்குத் தலைவனானதை சீரணிக்க இயலாத கயவர்கள். ஒளியிழந்த தேசம் பொலிவுருவதை விரும்பாத புல்லர்கள். பாழ்பட்டு நின்ற தேசம் பேரொளி பெறுவதைப் பொறுக்காதவர்கள். பூசணிக்காயளவு ஊழலையே பார்த்துப் பழகிய நமக்கு நெல்லியளவு கூட ஊழல் இல்லாமல் அரசு நடத்த முடியும் என்று காட்டியதைப் பொறுக்க முடியாதவர்கள்.

இவர்கள் குற்றச்சாட்டுகள் என்ன?

மோதி கறுப்புப் பணத்தை மீட்கவில்லை. சுவிட்சர்லாந்து சென்று ஆல்ப்ஸ் மலையைப் பார்த்தார். வேறென்ன செய்தார்? கருப்புப் பணம் வரவில்லையே?

இப்படிச் சொல்பவர்கள் ஒரு விஷயத்தை மறந்துவிடுவார்கள். அல்லது மறந்தது போல் நடிப்பார்கள். ஒரு நிறுவனத்தின் மேல் கடும் நடவடிக்கை வந்துள்ளது. அதில் பல வெளி நாட்டு அரசு நிறுவனங்கள் முதலீடு செய்துள்ளன. ‘வாசன் ஐ கேர்’ எனப்படும் அந்த நிறுவனத்தின் உரிமையாளர் கார்த்தி சிதம்பரம். அவரது தந்தை ப.சிதம்பரம், முன்னாள் இந்திய நிதியமைச்சர். இதில் என்ன விசேஷம்? தற்போது வாசன் ஐ கேர் மீது கருப்புப் பண விசாரணை நடைபெறுகிறது. கண்ணில் எண்ணெய் விட்டுக்கொண்டு செயல்படும் பல வெளி நாட்டு அரசு முதலீட்டு நிறுவனங்கள் இவரது பெயரில் நம்பிக்கை கொண்டு முதலீடு செய்துள்ளன. வெளி நாட்டு நாடுகளின் அரசு நிறுவனங்களையே ஏமாற்றிய சிதம்பரத்தின் பெயர் இந்த நடு நிலையாளர்களால் உச்சரிக்கப்படாது.

அதை மட்டும் பேச மாட்டார்கள். கனிமொழி பற்றியும் இந்த நடுநிலையாளர்கள் பேச மாட்டார்கள். அவர்களின் முதலீடுகள் பல இடங்களில் உள்ளன.  இன்று தமிழ் எழுத்தாளர்கள் என்ற பெயருடன் உலவுபவர்கள் பலர், பல சமயங்களிலும் கலைஞர் குடும்பத்துடன் தொடர்பில் இருந்தவர்கள். அக்குடும்பத்தால் சில / பல ஆதாயங்கள் அடைந்தவர்கள். இல்லை என்று சொல்லச் சொல்லுங்கள் பார்க்கலாம்.

சரி. இப்படிச் சொல்பவர்களின் தரம் என்ன?

தமிழர்களைக் கொன்று குவித்த, தன் சுயநலத்திற்காக இளம் பெண்களை வெடிகளாக்கி வெடிக்க வைத்த ‘வீரனை’ தலைவன் என்று போற்ற வேண்டும் என்று வாதிடுபவர்கள் ஒரு புறம். இந்தியா என்பதே இல்லை; அப்படி இருப்பின் அதனைத் துண்டாட வேண்டும் என்று சொல்லும் இடதுசாரி, மார்க்ஸீய மண்டூகர்கள் இன்னொருபுறம்.

சிறுபான்மையினரை பயமுறுத்தியே வைத்துள்ள ‘நடு நிலையாளர்’ ஒருபுறம். அதாவது -‘ நீங்கள் எப்போது வேண்டுமானாலும் தாக்கப்படலாம். உங்கள் மத நம்பிக்கைகள் தகர்க்கப்படலாம். எனவே எங்களுக்கே வாக்களியுங்கள். நாங்கள் அப்படி எதுவும் நடந்துவிடாமல் பாதுகாக்கிறோம்,’ என்று சொல்லி, பயமுறுத்தி, அவர்களைச் சுயமாகச் சிந்திக்கவிடாமல் ஒரு மந்தையாகவே பாவித்து, அவ்வாறே நடத்தி வரும் இடது சாய்வுள்ள காங்கிரஸ் ஒருபுறம். இதே கருத்தை முன்வைக்கும் ஊடகங்கள் இன்னொருபுறம்.

சில ‘முற்போக்கு’களைப் பார்ப்போம்.

பகுத்தறிவுப் பகலவனின் கொள்ளுப் பேரன் ஈ.வி.கெ.எஸ். இளங்கோவன், ஜெயலலிதாவைத் தனிப்பட்ட முறையிலும், ஜெயலலிதாவையும் மோதியையும் சேர்த்தும் ஆபாசமாகப் பேசியதை எத்தனை முற்போக்குத் தமிழ் எழுத்தாளர்கள் கண்டித்தார்கள்? எத்தனை ஊடகங்கள் கண்டித்தன? முற்போக்கு முகமூடி கிழிந்துவிடும் என்பதால் வாயை மூடிக்கொண்டிருந்தார்கள் என்று கொள்வோம்.

கலைஞரையும் குஷ்புவையும் இணைத்து ஒரு வதந்தி வந்த போது பொங்கி எழுந்த பொங்கல்கள் இப்போது எங்கே என்று கேட்கக் கூடாது. அது பகுத்தறிவுப் பொங்கல். அவ்வப்போது தான் பொங்கும். அவ்வப்போது அப்படிப் பொங்குவது தமிழ் எழுத்தாளன் என்பதற்கான அடையாளம் போல.

ஜெயலலிதாவை என்ன வேண்டுமானாலும் சொல்லலாம். அவர் சாதி அப்படி. மோதியை என்னவேண்டுமானாலும் சொல்லலாம். அவர் கட்சி அப்படி. இதற்கெல்லாம் பொங்க பொங்கல்கள் இல்லை. பொங்காமல் இருப்பது ஊடக தர்மம்.

சுப்பிரமணிய சுவாமி ஒரு முறை பிரபாகரனை ‘International Pariah’ என்றார். உடனே பொங்கல்கள் பொங்கின. ‘சாதி’யைச் சொல்கிறார் என்றன. அந்த வார்த்தை ஆங்கில அகராதியில் ‘out cast, persona non grata’ என்கிற பொருளில் உள்ள சொல். இதில் பொங்கல்கள் மறைத்த உண்மை என்னவென்றால் பிரபாகரன் அந்த சாதியைச் சார்ந்தவர் அல்லர் என்பது மட்டும் அல்ல, ஈழத்தில் கிழக்கு வடக்கு மாகாணங்களுக்குள் சாதி வேறுபாட்டால் கொடுக்கல் வாங்கல் கூட இருப்பதில்லை என்பதையும் தான். இதைப் பல ஆண்டுகள் கழித்து ஈழ நண்பர் ஒருவர் எதேச்சையாக சொன்ன ஒரு சொல்லின் மூலம் அறிந்துகொண்டேன். ஆனால் இவை எதையும் நம் முற்போக்குத் தமிழ் எழுத்தாளர்கள் சொல்லமாட்டார்கள். சாதி என்பதே இல்லை என்று பம்மாத்து, வெளிப்பூச்சு வேலை செய்து ஊடகங்களில் பெயர் வாங்கி காலட்சேபம் செய்வது மட்டுமே இவர்களது நோக்கம்.

எந்த முற்போக்குத் தமிழ் எழுத்தாளராவது குறிப்பிடும்படியான ஆராய்ச்சி செய்து எழுதியுள்ளார்களா? புலனாய்வு என்கிற பெயரில் நடிகைகளின் அந்தரங்கங்களை வெளிக்கொணர்கிறார்கள். இப்படி ஒரு பிழைப்பு பிழைப்பதற்கு குட்டிச் சுவராகப் பார்த்து முட்டிக் கொள்ளலாம்.

தமிழக சட்ட சபையில் ஒருமுறை எம்.ஜி.ஆர். கலைஞரிடம்,’கனிமொழி யார்?’ என்று கேட்டாராம். அதற்குக் கலைஞர்,’அவள் ராசாத்தி அம்மாளின் புதல்வி’ என்று சாமர்த்தியமாகப் பதில் அளித்தார் என்று சில எழுத்தாளர்கள் கலைஞரின் ‘அறிவாற்றல்’ பற்றிப் பேசுவார்கள். இந்த வெட்கக்கேட்டை ஒருவர் சபையில் கேட்டதே மானக்கேடு. அதற்கு ‘சாமர்த்தியமாக’ பதில் அளித்தது அதனினும் கீழ்மை. இதை எழுதினால் பெரிய எழுத்தாளன் என்று கொண்டாடிக் கொள்ளலாமா? பகுத்தறிவுப் பாசம் என்னவெல்லாம் செய்ய வைக்கிறது?

மோதி அமெரிக்காவில் என்ன செய்யச் சென்றார் என்று கேட்பதை ஒரு சொலவடையாகக் கொண்டுள்ளார்கள். ஊர் சுற்றுகிறார் என்று சொல்கிறார்கள். ஊர் மேய்வதைக் காட்டிலும் சுற்றுவது ஒழுக்கக் கேடானதல்ல. ஒவ்வொரு முறையும் சில ஆயிரம் கோடிகள் அன்னிய முதலீடு வருகிறதே. அதைக் காணாமல் இருப்பது பகுத்தறிவு தான். தெரிகிறது.

பிரும்மச்சாரி ஞானி ஒருவர் இருக்கிறார். நாடாளுமன்றத்தில் நிதி நிலை அறிக்கை மீதான விவாதம். ஆனால் அந்த ஞானி தாய்லாந்து போனார். ஓய்வு எடுக்கிறாராம். நாட்டின் பிரதான எதிர்க்கட்சியின் தலைவர், நிதி நிலை அறிக்கை மீதான விவாதத்தின் போது தாய்லாந்தில் ஒய்வெடுக்கிறார். நாளைய பிரதமராம். நம்மைக் காக்கப் போகிறாராம். தலை எழுத்து. இது பற்றி வெட்கம் இல்லாமல் கட்சியின் தலைவர்கள் பேசிய பேச்சும், நழுவிய நழுவலும். முனிசிபாலிட்டி வேண்டாம், ஒரு பஞ்சாயத்துக்குக் கூட தலைவராகத் தகுதி இல்லாத ஒருவரை நம்பி பெரிய கட்சி நடக்கிறது. ஊடகங்கள் ஊமையான கதை அது.

மோதி குஜராத்தில் முதல்வராக இருந்தபோது ஒரு முறை,’அவரவர்கள் செய்யும் தொழிலில் கவனம் செலுத்த வேண்டும்,’ என்று சொன்னார். அதை ‘துப்புறவுத் தொழிலாளர்’ குறித்து சொன்னார் என்று தமிழ் மெகா அறிவாளியும் ஈரோட்டின் வாரிசுமான சத்தியராஜ் என்னும் நடிகர் வானுக்கும் மண்ணுக்கும் குதித்தார். ‘விடுதலை’ என்னும் தமிழ் நாட்டு நியூயார்க் டைம்ஸ் பத்திரிகை பொரிந்து தள்ளியது.  அவர் சொன்னது என்னவென்று கேட்காமலே உளறுவது என்பதே தமிழ் நாட்டு முற்போக்குப் பத்திரிகை தர்மமாகையால் அவ்வாறு பொரிந்தன(ர்) என்று கொள்ளலாம்.

அப்படி குரைத்தே ஆக வேண்டிய கட்டாயம் என்ன?

வேறென்ன? கூலி தான்.

நாணம் இன்றி, அன்னிய மதமாற்றுச் சக்திகளிடம் பணம் பெற்று, கூலிக்கு மாரடிக்கும் கூத்தாடிக் கும்பல்களுக்கு வேறென்ன நோக்கம் இருக்க முடியும்? தில்லிக்குச் சென்று, இலவசமாய் உண்டு, உறங்கி, பின் எழுந்து  அரசை வசைபாட லுட்யென்ஸ் பூங்காவில் இடம் இல்லையே. ஓலமிட இடம் இல்லாமல் செய்துவிட்டாரே மோதியின் அமைச்சர் வெங்கைய நாயுடு. ஆக இருக்கும் இடங்களில் இருந்தே உரக்க ஓலமிடுவோம் என்று முழங்குகின்றன வெற்று ஊளைகள். ஆனால் ஒன்று. இந்த ஊளைகள் கொடுத்த காசுக்கு விசுவாசமானவர்கள். விலையைக் காட்டிலும் அதிகமாக ஊளை இடுவார்கள். சில ஆங்கில நாளேடுகளைக் கண்டாலே தெரியும்.

எத்தனை குரைத்தாலும் இன்றைய நிதர்ஸன நிலை என்ன? அணு உலைகளுக்கு யுரேனியம் வழங்க மறுத்த ஆஸ்திரேலியா இன்று நமக்கு ஏற்றுமதி செய்கிறது. உறவு துண்டிக்கும் நிலையில் இருந்த ஜப்பான் இன்று இந்தியாவில் அதிவேக ரயில் திட்டங்களில் 0.1% வட்டியில் கடன் கொடுத்து தொழில் நுட்ப உதவியும் செய்கிறது. ஹைதராபாத்தில் புதிய தலை நகரம் அமைய சிங்கப்பூர் வடிவமைப்பு செய்கிறது, ஜப்பான் கட்டுகிறது. அமெரிக்கா அணு ஒப்பந்தங்களில் இருந்து இந்தியாவிற்கு விலக்கு அளிக்கிறது. ஏவுகணை ஒப்பந்தத்தில் சேர்க்கை. நிலக்கரி இறக்குமதி குறைகிறது அயினும் மின் உற்பத்தி கூடுகிறது. நிலக்கரி ஏலம் கணிணி முறையில் வெளிப்படையாகிறது. 2ஜி அலைக்கற்றை ஏலத்தால் அரசுக்குப் பணம்.

Modi_1அபுதாபியில் கோவில் கட்ட நிலம் தருகிறார்கள். அவர்கள் நாட்டில் இருந்து எண்ணெய் எடுத்து இந்தியாவில் வைக்கச் சொல்கிறது அபுதாபி அரசு. ஈரானில் புதிய துறைமுகம்.  ஆப்கானிஸ்தானில் அணை கட்டுகிறது இந்தியா. தூக்கு தண்டனை விதிக்கப்பட்ட இந்திய மீனவர்களை இலங்கை அரசு விடுவிக்கிறது. இலங்கைக் கடற்படை இந்திய மீனவர்கள் மீது துப்பாக்கிச் சூடு நடத்துவதை நிறுத்தியுள்ளது.

பிரதமர் கேட்டுக்கொண்டார் என்பதற்காக எரிவாயு மானியம் பெறுவதை மக்களாகவே முன்வந்து கைவிடுகின்றனர். பல ஆண்டுகள் கழித்து ஏர் இந்தியா நிறுவனம் லாபத்தில் இயங்குகிறது. ஏமனில் இருந்து இந்தியர்களை நாட்டுக்குப் பாதுகாப்பாக அழைத்துவந்தது, சவூதி அரசு பணிந்து செயல்படுவது – இவை எதுவுமே காதில் விழாதபடி பார்த்துக்கொள்ள வேண்டும். இன்னும் ஒரு படி மேலே போய், இப்படி ஒன்று நடக்கவே இல்லை என்பது போல் நடிக்க வேண்டும். பேசாமல் நாக்கைப் பிடுங்கிக்கொண்டு சாகலாம் இப்படி வேடம் போடுவதற்குப் பதில். மீறிப் பேசினால் நீங்கள் ‘பாஸிச அபிமானிகள்’.

மோதி அமெரிக்கப் பாராளுமன்றத்தில் பேசியதைக் கூட பாராட்டக் கூடாது என்கிறார்கள். அவர் டெலிபிராம்ப்டரில் பார்த்துத்தான் பேசினார் என்று சொல்ல வேண்டுமாம். பாங்காக்ல் ஓய்வெடுத்த ஞானி இரண்டு வார்த்தை பேசினால் நோபல் பரிசு கொடுக்க வேண்டிய அளவு பாராட்டச் சொல்கிறார்கள். ஞானியின் தாயார் ஒரு வார்த்தை பேசினால் ‘அக்‌ஷர லட்சம்’ பெறும் என்று பாராட்டச் சொல்கிறார்கள். அதை ‘மதச்சார்பின்மை’ என்கிறார்கள். இதுவே ஊடக தர்மம் என்றும் அறியப்படுகிறது. இந்தப் பிழைப்பு பிழைப்பதற்கு நல்ல குட்டிச் சுவற்றில் முட்டிக்கொள்ளலாம். அல்லது காங்கிரசில் சேர்ந்துவிடலாம்.

வெகு நாட்கள் பேசாமல் இருந்த சோனியா அம்மையார் பாராளுமன்றத்தில் ஒரு நாள் வாய் திறந்தார். ‘Sonia lamblasts the govt’ என்று ஹிந்து தலைப்புச் செய்தி. அப்படி என்ன ‘லாம்பிளாஸ்ட்’ செய்தார்? வாய் திறந்து பேசினார். அதற்கு அவ்வளவு ஒலிப் பெருக்கம்.

மோதி பல விஷயங்களைப் பேசிவிட்டு ‘தீவிரவாதமும் மதமும் தொடர்பற்றவை’ என்று போகிற போக்கில் சொல்லி வைத்தார். மறுநாள் ஹிந்துவில் “‘De-link religion from terror’ says Modi” தலைப்புச் செய்தி. மோதி விவேகானந்தர் பற்றி, வாஜ்பாய் பற்றி காந்தி பற்றி லிங்கன் பற்றி,  மார்ட்டின் லூதர் கிங் பற்றியெல்லாம் பேசியது விஷயம் இல்லையாம். இது என்ன ஊடக தர்மமோ என்ன கண்றாவியோ.

ஐ.ஐ.டி.யில் சமஸ்கிருத இலக்கியம், நூல் ஆய்வுகள், பண்டைய நூல்களில் உள்ள விஞ்ஞானச் செய்திகளை வெளிக்கொணர்தல் என்கிற அளவில் ஆராய்ச்சிகள் செய்யலாம் என்று மனிதவள அமைச்சு பேசத்துவங்கியது. உடனே பொங்கல் வைக்கத் துவங்கிவிட்டனர். ஏற்கெனவே சீன மொழி அங்கு பயிற்றுவிக்கபடுகிறது என்கிற அடிப்படை அறிவு கூட இல்லாமல் வெற்றுச் சூளுரைகள் பறக்கத் துவங்கிவிட்டன. தேர்தலில் மண்ணைக்கவ்விய தன்மானத் தலைவர்கள் பொங்கல் வைக்க அரிசி வாங்கச் சென்றுவிட்டனர்.

ஐ.ஐ.டி.யில் சமஸ்கிருதம் இருக்கட்டும். தருண் விஜய் என்னும் பா.ஜ.க. எம்.பி. திருக்குறளுக்காக வாதிடுகிறார். கங்கைக்ரையில்  திருவள்ளுவருக்குச் சிலை வைக்கப் போகிறார். திருக்குறளைத் தேசிய நூலாக அறிவிக்க வேண்டும் என்கிறார். நாடாளுமன்றத்தில் திருக்குறளை இசைக்கச் செய்கிறார். இத்தனைக்கும் ஹிந்திக்கார எம்.பி. அவர். இத்தனை வருடங்கள் தமிழினத் தலைவர்கள் ஆட்சியில் இருந்தனரே என்ன கிழித்தார்கள்? தமிழ் எம்.பி. என்றாலே ஊழல் பெருச்சாளி என்கிற முத்திரையைப் பெறுவதைத் தவிர கிழித்த கிழி என்ன? தமிழனின் கொஞ்ச நஞ்ச மானத்தையும் வாங்கியதைத் தவிர சாதித்தது என்ன? ஹிந்தி பேசும் எம்.பி.க்குத் திருக்குறள் மேல் இருக்கும் அக்கறை இரு கழகக் கண்றாவிகளுக்கும் இல்லாமல் போனது ஏன்?

அரசு ஊழியர்கள் ஆர்.எஸ்.எஸ்.ல் இருப்பதற்குத் தடை இருக்கிறது. ஆர்.எஸ்.எஸ். இந்தியாவில் தடை செய்யப்பட்ட இயக்கம் அல்ல. எனவே அந்த அரசாணையை நீக்கலாம் என்று அரசு சிந்தனை செய்கிறது என்கிறது ஒரு செய்தி. உடனே முற்போக்குகள் பொங்கத் துவங்கிவிட்டன. போகப்போக அது பொங்கலா அல்லது பழங்கஞ்சியா என்று தெரியவரும்.

‘மன் கி பாத்’ என்று பிரதமர் வானொலி மூலமாக மக்களிடம் பேசுகிறார். நேருவுக்குப் பிறகு வேறு எந்தப் பிரதமர் இப்படிப் பேசியுள்ளார்?  அதிலும் மக்களைப் பாதிக்கும் அன்றாட நிகழ்வுகள் குறித்துப் பேசுகிறார். மாணவர்களுக்கு தேர்வுகள் நேரத்தில் அறிவுரை வழங்குகிறார். மாநில முதல்வர் மகாராணியைப் போல் இருக்க, ஒன்றுக்கும் உதவாத கவுன்சிலர்கள் கூட குறுநில மன்னர்கள் போல் செயல்பட, அப்படியெல்லாம் இல்லாமல், பெற்ற தந்தை போல் செயல்படும் பிரதமரை வாழ்த்த வேண்டாம் ஐயா, குறை கூறாமல் இருக்கலாம் தானே!

மோதியை எதிர்ப்பது ஒரு மனநோய். அந்த நோய் வராமல் பாதுகாக்க அந்தப் பராசக்தி துணைபுரிய வேண்டும்.

(தொடரும்)

 

Tags: , , ,

 
%d bloggers like this: