இயற்பியல் பேராசிரியர் முனைவர் உத்ரா துரைராஜன் அவர்கள் ‘வந்தவர்கள்’ நாவல் பற்றித் தனது வாசிப்பு அனுபவத்தை இரண்டு பதிவுகளாகப் பதிவுசெய்துள்ளார். தனது நேரத்தைச் செலவழித்து வாசித்து, தனது வாசிப்பு அனுபவத்தை எழுதிய பேராசிரியருக்கு நன்றி.

https://www.facebook.com/share/p/aB9pmSMqjtXHY4qe/?mibextid=xfxF2i

“வந்தவர்கள்” – புத்தக வாசிப்பு அனுபவம் – book review 1/2

If you are from Chengalpattu,villivalam, Navalpakkam, Siruthaamoor, Madhuranthakam or anywhere near Kanchipuram and /or belong to Iyengar clan, you want to know how difficult things went in 1900s, challenges they had to face even to eat, why your parents were so strict about your focus on your education (rather marks), how many from middle or lower middle class had to struggle, you seek closure for many scenes unfolded in your family, please buy and READ the novel Vandhavargal, by ஆ பக்கங்கள். Swasam Publications

A small review here in Tamil

(Disclaimer : நாவலைப் படிக்காமல், இங்கு எழுதப் பட்டுள்ளதை தங்கள் கற்பனையில் பெரிதாக்கி யாரும் தயவு செய்து இங்கு பூட்டை ஆட்ட வேண்டாம்)

1. வட தமிழக ஐயங்கார் என்பது களம், அவ்வளவே!

வானம் பார்த்த நம் செங்கல்பட்டு, காஞ்சிபுரம், வந்தவாசி, திண்டிவனம் மக்கள் யாரும் இதோடு ஒன்ற முடியும். இதில் வரும் ஒவ்வொரு பாத்திரமும் நம் வீட்டின் யாராவது ஒருவரை / பலரை ( மாமா, அத்தை, பெரிப்ப, சித்தப்பா…) அப்படியே பிரதி பலிக்கிறது. யார் படித்தாலும் நெஞ்சம் உருகும் ( கையில் kerchief இருப்பது நல்லது. )

2. புத்தகத்தை எடுத்த பின் வைக்க முடியாது. சமையல்/ அவசர ஜோலியை முடித்தபின் படிக்கவும். ஆசிரியர் ஆமருவி விட்டாலும் ஜானகியும், சுதர்சனமும் ராமஞ்சுவும் ராகவனும் நம்மை அவ்வளவு எளிதில் விடமாட்டார்கள். பூசாரி கதைக்குள் வந்தபின் புத்தகத்தை கீழே வைக்க வாய்ப்பே கிடையாது.

3. ஐயங்கார் குடும்பங்களில் பிறந்துள்ள ஒவ்வொருவரும் அவசியம், நம் மூதாதையர்கள் பட்ட பாடு என்னவென்று நம் பிள்ளைகளுக்குச் சொல்ல, நிச்சயம் நாம் தெரிந்து கொள்ள, “வந்தவர்கள் ” அனுபவம் உதவும்.

4.”How to explain this gen Z about our ancestory or heritage, when even we don’t know much. I lost touch with my ancestors long back…they did not tell us anything. Sadly, we don’t maintain any records” என்று குறைபடாமல் இருக்க, நீங்கள் படிக்க வேண்டியது “வந்தவர்கள்”. Coz , author has searched so many documents and made that job easy for you. Hats off to him for this humongous effort. Not easy sir, thank you.

5. வீழ்வேன் என நினைத்தாயோனு சுதர்சனம் முழு நாவல்லயும் நமக்கு நின்னு காமிக்கிறார். எத்தனை வறுமைலயும், ஒரு இடத்துலயும் அழுமூஞ்சித்தனம் கிடையாது. ஏழை , ஏழ்மைன்னா ஆகாத்தியம், அழுகைனு narrative set பண்ற

சினிமாக்காரன் கத்துக்கனும்

– no way. சாப்பாட்டுக்கு, குழந்தை பாலுக்கு சிரமம், ஆனாலும் மெல்லிய உணர்வுகளை புரிந்து கொள்ளும் அழகான Romance, ஜனகிக்கும் சுதர்சனத்துக்கும் இடையே உள்ள

ஒத்திசைவு – அழகு, மெச்சிகனும் . அதுதான் அடுத்த தலை முறைய காப்பாத்த உதவரது.

6. நார்மடியோட வலி, பாதுகாப்புக்காக தானா அந்த வலிய சுமக்க வேண்டிய கட்டாயம், அதுக்காக யாரையும் அவ தூத்தல, அழல, Finger point பண்ணி பயன் இல்ல, அத accept பண்ணிடுட்டா… ஜானகி stands TALL. லட்சுமி மாமி, அந்த பாட்டி – சுதந்திரத்துக்காக , நாட்டுக்காக ஆயுதம் ஏந்திய ஆண்கள் காணாமல் போன குடும்பம்…இவர்கள் எல்லோருக்கும் நமஸ்காரம். வீரமங்கறது தைரியமா ( பயம் இருந்தாலும்) சவால்களை சந்திக்கிறது தான், “பெருமாள் மேலே பாரத்தை போட்டுட்டு உன் வேலைய பண்ணு” positivity, focus at work, belief, trust – இந்தப் பெண்கள் வாழ்ந்து காட்டியவர்கள்.

https://www.facebook.com/share/p/QZ8pjoxmzeejdVEj/?mibextid=xfxF2i

வந்தவர்கள் – நாவல் – ஆ பக்கங்கள் , Haran PrasannaSwasam Publications எண்ண ஊற்று – 2/2

ஒரு தாயாக ஆசிரியையாக நான் இந்த நாவலில் பெற்றது, பிறருக்கு பகிரப் போவது …

1. “இப்ப இருக்கிற ஸ்திதியில.. ஆனா, அதுக்காக இது இப்படியேதான் இருக்க போறதுன்னு நினைச்சுண்டு உக்காண்டு இருந்தோம்னா இன்னும் கீழேதான் போகணும். இப்ப இதுக்கு மேல கீழ போறதுக்கு வழி இல்ல”

2. “நம்மால முடியற அளவைவிட ஒரு படி மேலே ஏற பாக்கணும். அப்பதான் இருக்கிற இடத்துலயாவது நிக்க முடியும் “

3. “அம்மா ரொம்பவே முன்னாடி யோஜிக்கிறா இவ மட்டும் நாலு எழுத்து வாசிச்சிருந்தா…” – அழகு

4.”காலம்தான் மாறுகிறது. சாரம் ஒன்றுதான். ஒவ்வொரு பெண்ணும் வாழ்க்கைப் பாதையை கடந்து செல்லும் வழியில் உள்ள பல ஆபத்துகளில் ஒன்று கணவன் திடீரென மரணிப்பது. அதிலும் கட்டுப்பட்டியான பிராமண பெண்கள் அல்லல்படுவது இம்மாதிரியான நிகழ்வுகளில் வீழ்ந்த பிறகுதான். கல்யாணம் என்கிற பந்தத்தில் இருந்து ஒரே வெட்டாக வெட்டி அன்னியப்படுத்தி விடுகிறது…

…என்ன கொடுமையானாலும் எந்த தருணத்திலும் தங்கள் சுயத்தை இழக்காமல் அப்பளம் விற்று சாணி தட்டி விறட்டி விற்று, பால் கறந்து விற்று ஒரு மாதிரியாக வாழ்க்கையை நடத்திக் கொண்டே செல்கின்றனர். ஒரே வரலாறு மீண்டும் மீண்டும் நிகழ்ந்து கொண்டே இருக்கிறது. காலமும் இடமும் தான் வேறு. வாழ்க்கை இவ்வளவுதானா? ஒரே அவலம் மீண்டும் மீண்டும் பலருக்கு நிகழ்வது தான் வாழ்க்கையா ?

இந்த நிலை பிராமணப் பெண்களுக்கு மட்டும் தானா? மற்ற ஜாதிகளில் எப்படி உள்ளது? அந்தப் பெண்களின் நிலை என்ன? அவர்கள் நிலைமையை எப்படி சமாளிக்கிறார்கள்?..” –

மிக ஆழமான வரிகள். காயத்தின் வலி நம்மையும் தாக்குகிறது.

நிலை ஓரளவு மாறியுள்ளது என்றாலும், பழைய வழிகளை பிடித்துக் கொண்டு தொங்கும் மக்களும் இருக்கிறார்கள். ஜனத்தொகை பெரிதாக இருக்கும் நம் நாட்டில் எல்லாருக்கும் விடிவு எந்நாளோ? ஊறுகா அப்பளத்தையும் சாணத்தையும் கேலி பேசும் முன் அது யாருக்கோ கஞ்சி ஊத்துகிறது எனும் எண்ணம் வந்தால் சமூகம் உருப்படும்.

5. ‘லட்சுமி மாமி கிட்ட இத போய் சொல்லாதேயும். அவ மனசுல அவ ஆத்துக்காரர் வாழ்ந்து கொண்டே இருக்கட்டும். அவர் இருக்கிறதாகவே மாமி நினைச்சுண்டு இருக்கட்டும். நீ அவளோட கற்பனையை கெடுக்காதே ” – கண்ணில் குளம்….

6.”நீலகண்ட பிரம்மச்சாரி என்று ஒருத்தன் அடிக்கடி வருவான். வாசல்லயே நிப்பான். அவன பார்த்த உடனே இவர் கிளம்பிடுவார், எங்க போறார் என்ன பண்றார் எப்ப வருவார் ஒன்னும் தெரியாம நாங்கல்லாம் இருப்போம் ….

….பையன் இங்கிலீஷ் படிப்பும் படிச்சிருந்தார்.. கல்யாணம் பண்ணினோம். அப்புறம்தான் தெரிஞ்சது மாமனாரும் மாப்பிள்ளையும் சுதேசிகளாம். பையனுக்கு வெடிகுண்டு அது இதுன்னு பண்ண தெரியுமாம். மாமனார் மாப்பிள்ளை ரெண்டு பேரையும் தேடிண்டு போலீஸ்ல இருந்து வர ஆரம்பிச்சா….”

“அது ஒரு ஆஹுதி மாதிரின்னு சொன்னான் வள்ளுவன். தேசம்ங்கற யாகத்துக்கு எங்காத்துலேர்ந்து மூணு தலைமுறைக்கு ஆஹுதி கொடுக்கணும்னு விதி…”

– இப்படிப் பெற்ற சுதந்திரம்…வந்தே மாதரம். அவசியம் புத்தகத்தை படியுங்கள்.

7.”எங்க ஆத்துக்காரர தேசத்துக்கான ஹவிர்பாகமா கொடுத்துட்டேன். ஹவிசுக்கு பலன் குடுன்னு கேட்க மாட்டேன் அம்மா ரொம்ப நாளைக்கு முன்னாடியே சொல்லிட்டா…” தியாக பென்ஷன் வேண்டாம் எனச் சொன்ன செல்லம்மா பாட்டி…

8.” அடடா…. நான் பார்த்துக்கறேன். நீங்க விசனப்படாதீங்கோ. நான் கொஞ்ச நாள் இங்க இருந்து, கஸ்தூரிக்கு நம்மாத்துப் பழக்கமெல்லாம் சொல்லிக் கொடுத்து எங்காத்து பொண்ணா ஆக்கிக்கிறேன். நீங்க கவலைப்படாதீங்கோ ஸ்வாமி” – அஹா..என்ன ஒரு வாத்சல்யம் …இது இருந்தா போதுமே…ஜானகி மாமி மாறி 100 பேர் இருந்தா அத்தனை பொண்களுக்கும் போதும்…

9. ஐயங்கார் பாஷை, அதுவும் இந்த காஞ்சிவரம் பக்கத்து slang, swear words, கிண்டல் கேலி, கொஞ்சம் வம்பு – என்னோட தாத்தாவும் பழைய காலத்து மனுஷாலும் வந்து போனா… nostalgia

10. மிக கனமான விஷயத்தை , சவாலான ஒன்றை அழுகை, over reaction இல்லாமல் அழுத்தமாக எழுதியுள்ள ஆமருவிக்கு நன்றிகள். Thanks to Publishers.

நூல் வாங்க : சுவாசம் பதிப்பகம் +91-81480-66645 அழைக்கவும்.

2014ல் ‘நான் இராமானுசன்’ தொடர் எழுதிக்கொண்டிருந்தேன். நூலாக ஆக்கும் எண்ணம் எல்லாம் இல்லை. அந்த அம்மையார் ஃபோன் பண்ணினார்.

‘சார், உங்க தொடர படிச்சுக்கிட்டு இருக்கேன். நல்ல ரீச் குடுக்க முடியும். ஒரு முறை சிங்கப்பூர் லிட்டரரி மீட்டிங்ல பேச வாய்ப்பு கொடுத்தீங்கன்னா, இங்க நல்ல ரீச் இருக்கற பப்ளிஷர்ஸ் கிட்ட கொண்டு சேர்க்க முடியும்’

‘…’

‘நீங்களும் தொடர் எழுதறதுக்கு வாய்ப்பு வாங்கித் தர முடியும். இப்ப இருக்கற இண்டாலரன்ஸ் சிச்சுவேஷன் பத்தி எழுதுங்க. இந்த நாலு பத்திரிக்கைலயும் எழுத வாய்ப்பு வாங்க முடியும்’ என்று அந்த நான்கு பத்திரிக்கைகளின் பெயர்களைச் சொன்னார் அந்தப் பெண்மணி.

‘…’

‘ஃபாஸிஸத்த எதிர்த்து, பூர்ஷ்வா எண்ணங்கள எதிர்த்து எழுதுங்க. நீங்க நிறைய படிக்கறீங்க. அதால சொல்றேன். நிறைய பிரிண்ட் வாய்ப்பு தரமுடியும். பிரைம் மினிஸ்டர் பத்தியோ, குஜராத் பத்தியோ ஒரு பத்தியாவது இருக்கணும். கல்ச்சுரல் எக்ஸ்க்ளூசிவிட்டி, இண்டாலரன்ஸ் அப்பப்ப. நல்ல ரீச் குடுக்கலாம்’

நான் ஒப்புக்கொண்டிருந்தால் ‘நான் இராமானுசன்’ இன்று என்.சி.பி.ஹெச்., பென்க்குவின் என்று வந்திருக்கும். லிட் ஃபெஸ்ட்களில் பேசிக்கொண்டிருந்திருப்பேன். அனேகமாக ரிடையர் ஆகும் அளவிற்குப் பணம் வந்திருக்கும், வந்துகொண்டும் இருக்கும்.

ஆனால், மனசாட்சியை அடமானம் வைத்தவனாக ஆகியிருப்பேன். ‘நமஸ்தே ஸதா வத்ஸலே’ சொன்ன நாக்கு பழுதாகியிருக்கும் என்பது என்னைப் பொறுத்தவரை உண்மை.

இருந்தாலும், புதிதக எழுத வருபவர்களுக்கு நான் சொல்லிக்கொள்வது :

யார் வாய்ப்பு கொடுத்தாலும் எடுத்துக் கொள்ளுங்கள். சித்தாந்தச் சார்பு இல்லாமல் எழுதப் பழகுங்கள். நீங்கள் உண்மை என்று நம்புவதை எழுதுங்கள். யாருக்காகவும் எழுதாதீர்கள். உங்கள் மனதிற்காக எழுதுங்கள். ஒரு கட்டத்தில் சித்தாந்தச் சாய்வு வரும். அது இயல்பாக வருவது. உண்மையை அறிந்துகொள்ள முயலும் முயற்சியால் வருவது. அதனைத் தடுக்காதீர்கள். போலியாக எழுதாதீர்கள். உண்மையான எழுத்து உங்களை ஒரு இடத்தில் கொண்டு வைக்கும். அந்த இடம் பெரிய இடமாக இல்லாமல் இருக்கலாம். ஆனால், பொய்யான நடிப்பு எழுத்து உங்களுக்கு எந்த அடையாளத்தையும் அளிக்காது, நீங்கள் எழுதுவது உங்களுக்கு மன நிறைவைத் தராது.

ஆக, உங்களுக்கு மன நிறைவைத் தருவதை எழுதுங்கள். நீங்கள் உண்மையாக நம்புவதை எழுதுங்கள். அது நீங்கள் சார்ந்த சாதி, மத, இன, வர்க்க நம்பிக்கைகளுக்கு எதிராகவும் இருக்கலாம். ஒரு காலத்தில் நீங்களே அதனை மாற்றிக் கொள்ளவும் செய்யலாம். ஆனால், அப்போது நீங்கள் எழுதுவது உண்மையாக, உங்கள் மனசாட்சியுடம் ஒத்திசைவாக இருக்க வேண்டும்.

இது என் பார்வை. நான் எழுதுவது இதைத்தான்.

பிடித்திருந்தால் பகிருங்கள். முடிந்தால் பின்பற்றுங்கள்.

நன்றி

ஆமருவி

01-01-2024