சத்த சபையில் பத்திரிக்கையாளர்

நீட் விலக்க மசோதா நிறைவேற்றப்பட்டது. மாநில சுயாட்சி தீர்மானம் நிறைவேற்றம். மும்மொழிக் கொள்கை என்று அனல் பறந்துகொண்டிருக்கும் வேளையில் டாஸ்மாக் ஊழல், மணல் குவாரி ஊழல், அண்ணா பல்கலை பெண் பாலியல் பலாத்காரம் என்று கோமாளித்தனமாக மத்திய அரசு செயல்படுவது நாம் அறிந்ததே. ஆகவே, இவற்றை எப்படிச் செய்திகளாக ஆக்குவது என்று பகுத்தறிவுள்ள தமிழ்ப் பத்திரிக்கையாளர்கள், கூட்டணிக் கட்சியினர் பார்வையில் என் பார்வை. (Satire)

கள்ளக்குறிச்சியில் கள்ளச்சாராய மரணங்கள்

முதல்வர் : தமிழகத்தில் கள்ளச்சாராயம் இல்லை சன் டிவி : முதல்வரின் சீரிய முயற்சியால் இருமொழிக் கொள்கை அமலாகிறது. ஹிந்து : Three Language Policy is a disaster says CM K TV : பாராளுமன்ற உறுப்பினர் கனிமொழி தூத்துக்குடி பயணம் தந்தி டிவி : டாஸ்மாக் இல்லாததால் உத்திரப் பிரதேசத்தில் கள்ளச்சாராயம் பெருக்கம் என்று முதல்வர் தெரிவித்தார். தில்லி ராஜ கோபாலன் : எனக்கு அமித் ஷா சொல்லியிருக்கார். சீக்கிரம் ஆக்‌ஷன் காத்திருக்கு. திருமா : மத்திய ஃபாசிச மக்கள் விரோத ஆட்சியைக் கண்டித்து நாளை போராட்டம். கமல் : இந்தியாவின் முதல் தீவிரவாதி ஒரு இந்து என்பதை நினைவில் கொள்ளும் வேளையில்..

அண்ணா பல்கலை மாணவி பாலியல் பலாத்காரம்

முதல்வர் : எல்லாரும் என்னை அப்பா என்று அழைக்கிறார்கள் சன் டிவி : தயாநிதி மாறன் முதல்வருடன் ஆலோசனை. ஹிந்து : State’s nutrition programme saves children, says CM K TV : பாராளுமன்ற உறுப்பினர் கனிமொழி இன்று தெருக் கூத்துக் கலைஞர்களைப் பாராட்டினார் தந்தி டிவி : அம்மாவும் நீயே, அப்பாவும் நீயே பாடல் எனக்குப் பிடித்த பாடல் என்று முதல்வர் பெருமிதம். தில்லி ராஜ கோபாலன் : முதல்வர் குடும்பத்துக்குள்ள என்ன நடக்கறதுன்னு எனக்கு மட்டும் தான் தெரியும். நான் சொல்ல மாட்டேன். திருமா : மக்கள் விரோத பாஜக ஆட்சியில் இஸ்லாமியர்கள் பாதிப்பு. கண்டனங்கள். கமல் : பிக் பாஸ் நிகழ்ச்சி என்பது மனித மனதின் ஒருங்கிணைந்த கூட்டுக் கலவைக் குரல் என்பதை எண்ணி..

அமைச்சரின் சைவ, வைணவ வெறுப்புப் பேச்சு

முதல்வர் : மத்தியில் கூட்டாட்சி, மாநிலத்தில் சுயாட்சி என்பதே எங்கள் கொள்கை சன் டிவி : கலாநிதி மாறன் துவங்கும் புதிய சேனல் பற்றி முதல்வருடன் ஆலோசனை. ஹிந்து : Cuba’s medical infrastructure is worth emulation, says Pinarayi Vijayan K TV : ‘என் உணவு என் உரிமை’ போராட்டம். பாராளுமன்ற உறுப்பினர் கனிமொழி கொடியசைத்துத் துவக்கம். தந்தி டிவி : அதிமுகவின் இரட்டை இலை முடக்கப்படுமா ? நேர்படப் பேசு நிகழ்வு. தில்லி ராஜ கோபாலன் : எனக்கு என்னல்லாம் தெரியும்னு எனக்கே தெரியாது. ஆனா, நான் அதைப்பற்றியெல்லாம் பேசணும்னு உங்க சேனல் நேயர்கள் விருப்பப் படறாங்கன்னு தெரியும். திருமா: கோடி ரூபாய் கொடுத்தாலும் கூட்டணியில் இருந்து விலக மாட்டேன். கமல் : நான் கூட வைணவனாக இருந்தவன். ஆனால் சைவ வைணவனாக இல்லை என்பதால் என்னை வைணவன் என்று நான் சொல்லிக்கொள்ள மாட்டேன் என்பது உங்களுக்குத் தெரியும் என்பதை எண்ணும் போது மனதில் தோன்றும் உணர்ச்சியே சமூக நீதி என்பதைப் பெரியார் வழியில்..

மௌண்ட் ரோடில் கார் ரேஸ். மக்கள் அதிருப்தி.

முதல்வர் : எங்களுக்குப் போட்டி அமெரிக்கா தான். ஒன்றிய மாநிலங்கள் எதுவும் போட்டி இல்லை. சன் டிவி : அமெரிக்காவிலும் சங்கிகளின் தொல்லை. ஹார்வர்டு பல்கலை முடக்கம். ஹிந்து : China and India are natural partners says Xi Jinping K TV : ‘மணிப்பூர் செல்வாரா பிரதமர்?’ பாராளுமன்ற உறுப்பினர் கனிமொழி கேள்வி. தந்தி டிவி : அதிமுகவின் இரட்டை இலை தவிர வேறு என்ன சின்னம் கிடைக்கும்? நேர்படப் பேசு நிகழ்வு. தில்லி ராஜ கோபாலன் : அண்ணாமலை இலங்கை பிரதமராகிறார். அமித் ஷா என்னிடம் சொல்லியுள்ளார். திருமா: மக்கள் நலன் பயக்கும் திட்டங்களை மாநில அரசு செயல்படுத்துகிறது. கமல் : வேட்டையாடு விளையாடு படத்தில் கார் கொண்டு துரத்தும் போது கார் காலமாக இருந்ததால் கார் மேகக் கள்வன் ஒருவனைக் கார் கொண்டு மோதி.. பார்த்தீங்களா இங்கயும் மோதி வராரு. இதைத்தான் ஃபாசிச இந்துத்துவ ஒற்றைப்படை மதவாதம்னு சொல்லலாம்னு நினைக்கற போது..

நெல்லையில் பட்டியல் இன மாணவன் கொலை. சாதி வன்முறை.

முதல்வர் : பேனா சிலை வைப்பது பற்றி ஒன்றிய அரசுடன் பேசுவோம். சன் டிவி : ரெட் ஜயண்ட் நிறுவனம் தயாரிக்கும் புதிய படம் ‘நான் விடறதெல்லம் ரீல் தான்’ ஹிந்து : Sitaram Yechuri was a tall leader, says Prakash Karat K TV : ‘அடுத்த ஆண்டு பட்ஜெட்டில் தமிழ் இருக்குமா?’ பாராளுமன்ற உறுப்பினர் கனிமொழி கேள்வி. தந்தி டிவி : வைக்கம் போராட்டத்தில் பெண்களின் பங்கு – நேர்படப் பேசு நிகழ்வு. தில்லி ராஜ கோபாலன் : ஜப்பான் மந்திரி தமிழக அமைச்சராகிறார். பி.டி.ஆர். கிட்ட கேட்டுப் பாருங்க. எனக்கு அமித் ஷா இண்டர்காம்ல சொன்னார். திருமா: மது ஒழிப்பு மாநாட்டிற்கு முதல்வரை அழைக்கவுள்ளேன். கமல் : தொண்டை கட்டியுள்ளது.

பட்டியல் இன கிராமத்தில் குடிநீரில் கழிவு கலப்பு.

முதல்வர் : நாங்க சீறினா நீங்க தாங்க மாட்டீங்க. சன் டிவி : கிளாம்பாக்கம் பேருந்து நிலையத்தில் கூட்டமே இல்லை. அவ்வளவு பஸ்கள் உள்ளன. ஹிந்து : Naom Chomsky decries global market capitalism K TV : ‘பாஜக அரசு பெண்களை வஞ்சிக்கிறது’ பாராளுமன்ற உறுப்பினர் கனிமொழி காட்டம். தந்தி டிவி : உதயநிதி ஸ்டாலின் அரசியலில் ஒரு சூப்பர் ஸ்டார் – நேர்படப் பேசு நிகழ்வு. தில்லி ராஜ கோபாலன் : கெஜ்ரிவால் கனடா தப்பிச் செல்வார். இதை அவரே என்னிடம் சொன்னார். திருமா: இஸ்ரேல் நடத்திவரும் வன்முறையைக் கண்டிக்கிறேன். நாளை போராட்டம். கமல் : அடுத்த படம் குறித்து மௌன சிந்தனையில் உள்ளேன்.

முதல்வரின் ஸ்பெய்ன் பயணம், துபாய் பயணத்தால் பலன் இல்லை: அண்ணாமலை

முதல்வர் : மக்கள் அனைவருக்கும் விடுமுறைத் திருநாள் வாழ்த்துகள். சன் டிவி : நீட் தேர்வு இல்லாத காலத்தில் முத்துலட்சுமி ரெட்டி மருத்துவர் ஆகவில்லையா ? ஆ.ராசா கேள்வி ஹிந்து : How Xi Jinping unified the Chinese territories – an editorial report K TV : ‘என் உடை என் உரிமை.இதில் பாஜக தலையீடு ஏன்? ‘ பாராளுமன்ற உறுப்பினர் கனிமொழி காட்டம். தந்தி டிவி : ஓபிஎஸ் அதிமுகவை உடைப்பாரா ? – நேர்படப் பேசு நிகழ்வு. தில்லி ராஜ கோபாலன் : பிரபாகரன் தமிழக அரசியலில் நுழைகிறார். இதை அவரே என்னிடம் சொன்னார். திருமா: அமெரிக்க தேர்தல் முறையைக் கண்டிக்கிறேன். நாளை போராட்டம். கமல் : அரசியல் வியூகம் என்று சொன்னாலும், யூகம் என்று சொன்னாலும் ஒற்றைப்படை இந்துத்துவ சக்திகளிடம் இருந்து நம் நாட்டைக் காக்கவே பாரத் ஜோடோ யாத்ராவில் நடக்கலாம் என்று நினைத்து நான் சென்றேன் என்பதை உங்களுக்குச் சொல்லிக் கொள்ள முடியாத நிலை வந்துவிடுமோ என்கிற எண்ணம் உண்டு என்றாலும்..

சனாதன தர்மம் டெங்கு போன்றது : உதயநிதி

முதல்வர் : சத்துணவுடன் காலை உணவில் ஒரு வாழைப்பழம் வழங்கப்படும். சன் டிவி : ஹிந்து என்றால் யாருடைய மகன் என்று தெரியுமா ? ஆ.ராசா கேள்வி ஹிந்து : How Russia’s Ukraine invasion helped stabilise Ukraine’s economy – N.Ram writes K TV : ‘ஏர் போர்ட்டில் ஹிந்தியில் பேசச் சொன்னார்கள். ‘ பாராளுமன்ற உறுப்பினர் கனிமொழி காட்டம். தந்தி டிவி : ஈபிஎஸ் அவர்களின் எழுச்சி எதைக் காட்டுகிறது ? – நேர்படப் பேசு நிகழ்வு. தில்லி ராஜ கோபாலன் : அமித் ஷா தமிழக முதல்வர் ஆகிறார். உளவுத் துறை என்னிடம் சொன்னது. திருமா: தீபாவளி தமிழர்களின் பண்டிகை இல்லை. நாளை கருத்தரங்கம். கமல்: ” ”

தமிழகத்தில் இருந்து அதிக அளவில் மணல் கடத்தல் : ஆய்வறிக்கை

முதல்வர் : மும்மொழிக் கொள்கையை எதிர்க்கிறோம். ஹிந்தியை எதிர்க்கிறோம். சன் டிவி : சன் பிக்சர்ஸின் ‘ஓட்டுப் போட்ட ஏமாளி’ படம் இன்று ரிலீஸ். ஹிந்து : How Josef Stalin saved the world – Echos from the past. N.Ram’s lecture in ACJ. K TV : ‘உ.பி.யில் பெண்கள் பாதுகாப்பை உறுதி செய்வாரா மோதி ? ‘ உறுப்பினர் கனிமொழி காட்டம். தந்தி டிவி : டிடிவி அதிமுகவில் இணைவாரா ? – நேர்படப் பேசு நிகழ்வு. தில்லி ராஜ கோபாலன் : அண்ணாமலை இன்று காலை இட்லி மட்டுமே சாப்பிட்டார். அவரே என்னிடம் சொன்னது. இதை உங்கள் நேயர்களிடம் சொல்லிக்கொள்வதில் பெருமைப் படுகிறேன். திருமா: பொங்கல் பண்டிகையில் கருப்பட்டி பொங்கல் சேர்க்க வேண்டும். அதுவே சமூக நீதி. நாளை கருத்தரங்கம். கமல் : ” “

தமிழகத்தில் போதைப் பொருள் பழக்கம் அதிகரிப்பு : ஆய்வறிக்கை

முதல்வர் : மாநில சுயாட்சி ஒன்றே வழி. தீர்மானம் இயற்றியுள்ளோம். சன் டிவி : சன் பிக்சர்ஸின் அடுத்த படத்தில் நடிகர் அஜித் நடிப்பாரா ? விவாத மேடை. ஹிந்து : Notes from Stalingrad – The economic architecture followed in Kerala – Special Report K TV : ‘ரூபாய் நோட்டில் ஹிந்தி எதற்கு? ‘ உறுப்பினர் கனிமொழி காட்டம். தந்தி டிவி : சசிகலா அதிமுகவில் இணைவாரா ? – நேர்படப் பேசு நிகழ்வு. தில்லி ராஜ கோபாலன் : அடுத்த பிரதமர் யோகி. வரும் பொங்கலில் பதவி ஏற்பு. அவரே என்னிடம் சொன்னது. இதை உங்கள் நேயர்களிடம் சொல்லிக்கொள்வதில் பெருமைப் படுகிறேன். திருமா: கிறிஸ்துமஸ் பண்டிகையையும் பொங்கலையும் ஒன்றாகக் கொண்டாடலாம். அதுவே சமூக நீதி. கமல் : ” ”

6ம் வகுப்பு மாணவர்களால் 4 வரிகள் கூட தமிழ் வாசிக்க இயலவில்லை : ஆய்வறிக்கை

முதல்வர் : மாநிலம் முழுவதும் வைக்கம் போராட்ட நினைவுத்தூண் நிறுவப்படும். சன் டிவி : தயாநிதி மாறனின் நாடாளுமன்ற செயல்பாடுகள் பெருமையாக உள்ளன. முதல்வர் ட்வீட். ஹிந்து : How Pinarayi Vijayan saved Kerala from Covid – Special Report K TV : ‘ஹிந்தி பாடத்தில் ஹிந்தி எதற்கு? ‘ உறுப்பினர் கனிமொழி காட்டம். தந்தி டிவி : உதயநிதியின் கீழ் விளையாட்டுத் துறையின் வளர்ச்சி – நேர்படப் பேசு நிகழ்வு. தில்லி ராஜ கோபாலன் : நாளை தமிழக முதல்வர் இலங்கை மீது படை எடுக்கிறார். அவரே என்னிடம் சொன்னது. இதை உங்கள் நேயர்களிடம் சொல்லிக்கொள்வதில் பெருமைப் படுகிறேன். திருமா: எல்லா இந்துப் பண்டிகைகளுக்கும் விடுமுறையே கூடாது. அதுவே சமத்துவ சமூக நீதி. கமல்: ” “

கச்சத் தீவைத் தாரை வார்த்தது யார் ? கருணாநிதியா மோதியா ? – அண்ணாமலை ஆவேசம்

முதல்வர் : பெண்கள் பாதுகாப்பில் காவல்துறை அக்கறை காட்டுகிறது. சன் டிவி : உமர் அப்துல்லா தம்பதி பிரிவது மன வருத்தமே. முதல்வர் ட்வீட். ஹிந்து : How USA is inspired by Kerala’s Health care under Pinarayi Vijayan ? – Special Report K TV : ‘தமிழ் நாட்டில் ஹிந்தி படங்களில் தமிழே பேசப்பட வேண்டும் ‘ உறுப்பினர் கனிமொழி கருத்து. தந்தி டிவி : சினிமாவால் வளர்ந்த திராவிடம் (அ) திராவிடத்தால் வளர்ந்த சினிமா ? – நேர்படப் பேசு நிகழ்வு. தில்லி ராஜ கோபாலன் : உதயநிதி சிங்கப்பூரின் பிரதமராகிறார். சிங்கப்பூரின் லீ சியன் லூங் என்னிடம் சொன்னார். இதை சிங்கப்புரில் இருந்து ஆமருவியும் உறுதிப்படுத்தினார். திருமா: ஆதவ் அர்ஜுனா சமத்துவ சமூக நீதியின் பால் நிற்பவர். நான் இண்டி கூட்டணியில் இருக்கிறேன். இதற்கு மேல் எதுவும் சொல்ல முடியாது. அதுவே சமத்துவ சமூக நீதி. கமல் : ” ”

இத்துடன் செய்திகள் முடிவடைந்தன. நிலையக் கலைஞர்கள் வாத்யவ்ருந்தா தொடரும்.