RSS

Author Archives: Amaruvi's Aphorisms

About Amaruvi's Aphorisms

Banker by day, blogger by night and a reader throughout.

கிருபானந்த வாரியாருக்கு நடந்தது..

கிருபானந்த வாரியாருக்கு நடந்தது இது தான்.

நெய்வேலி ஸத்-ஸங்கத்தில் வாரியார் ஸ்வாமிகளின் உபன்யாசம். அன்று ஸ்வாமிகளுக்குக் கடும் ஜூரம். சொற்பொழிவை ஓரிரு நாட்களுக்கு ரத்து செய்துவிடலாமா என்று ஸத்-ஸங்கம் மணித்வீபம் கமிட்டி தலைவர் சந்திரசேகரன் கேட்டார். ( அடியேனின் ‘பழைய கணக்கு’ நூலில் ‘தரிசனம்’ கதையில் வரும் டி.ஆர்.சி. மாமா இவரே) வாரியார் ஒப்புக்கொள்ளவில்லை. ‘முடிந்தவரை சொல்கிறேன். முருகன் பார்த்துக்கொள்வான்’ என்று, அன்று மாலை உபன்யாசம் நடந்தது.

அன்றிரவு ஸ்வாமிகளுக்குக் கடும் காய்ச்சல். விடியற்காலை 2 மணி சுமாருக்கு, பல காலிகளை உள்ளடக்கிய தி.க.கும்பல் ஸத்-ஸங்கம் மணித்வீபம் வீட்டில் ஜூரத்துடன் உறங்கிக்கொண்டிருந்த வாரியார் ஸ்வாமிகளை, வீடு புகுந்து தாக்கி, அவர் வழிபடும் லிங்கம், மற்றும் அவர் கழுத்தில் இருந்த லிங்கம் இரண்டையும் கீழே போட்டுத் தாக்கி அவமதித்தனர்.

தாக்குதலினால் மேலும் உடல் உபாதைக்கு உள்ளானார் ஸ்வாமிகள்.

கூச்சல் கேட்டு பிளாக்-2ல் இருந்து, அக்கம் பக்கம் வீட்டு மக்கள் ஓடி வர, கும்பல் கலைந்தது. சுமார் 20 ஊழியர்கள் போலீசில் புகார் பதிந்தனர் ( என் தந்தையார் உட்பட).

கடலூரில் இருந்து கலெக்டர் வந்திருந்தார் என்று என் தந்தையார் தெரிவிக்கிறார்.

ஸ்வாமிகளுக்குப் போலீஸ் பாதுகாப்பு போடப்பட்டது. நெய்வேலி நிறுவனத்தின் சைனிக் பிரிவினர் காவல் இருந்தனர்.

தன் வாழ் நாளின் இறுதி வரை ஸத்-ஸங்கம் மணித்வீபத்திற்கு அவர் எழுந்தருளவே இல்லை. ஆனால் பல முறை ஸத்-ஸங்கம் தபோவனம் வந்தார். சிறுவனாக அவரது சொற்பொழிவுகளை முதல் வரிசையில் இருந்து கேட்டுள்ளேன். தேரழுந்தூர் கம்பன் விழாவிற்கும் வந்திருந்தார். புலவர் கிரன். ஸ்வாமிகள் மற்றும் என் பெரியப்பா முதலானோர் பங்குபெற்ற கம்ப ராமாயணப் பட்டிமன்றங்கள் தற்போதும் நினைவில் உள்ளன.

தாக்குதலுக்குப் பல ஆண்டுகள் கழித்து வாரியார் ஸ்வாமிகளிடம் ஒரு பெண்மணி ‘என் கணவருக்கு சிறுநீர் பிரிவதில் பிரச்னை உள்ளது. காப்பாற்றுங்கள்’ என்று வேண்ட, ‘நீ யாரம்மா?’ என்ற ஸ்வாமிகளிடம் கண்ணீர் விட்டபடி அந்தப் பெண்மணி ‘தங்களைத் தாக்கிய கூட்டத்தில் முக்கிய பங்காளி என் கணவரே’ என்ற அழுதார். ‘முருகா’என்று வேண்டியபடி ஸ்வாமிகள் விபூதிப் பிரசாதம் அளிக்க, அதை சுத்தமான நீரில் கலந்து உட்கொண்ட குற்றவாளிக்குக் குணமானது என்று அறிந்தோம். வாரியார் ஸ்வாமிகளும் தனது சுயசரிதையில் இவற்றைச் சுட்டியுள்ளார்.

ஆக, வாரியார்க்கு நடந்தது இது தான்.

வாழ்நாளின் இறுதி முச்சு வரை, தமிழையும், முருகப்பெருமானையும் மட்டுமே பேசி வந்த ஆன்மீகச் செம்மல் வாரியார் ஸ்வாமிகளை, தமிழை வாழ வைத்ததாகச் சொல்லிக் கொள்ளும் திக சமூக விரோதக் கும்பல்கள் நடத்திய விதம் இது தான்.

இது தான் திராவிட மாடலின் லட்சணம்.

ஆனால், அதற்கான பலனையும் எம்.ஜி.ராமச்சந்திரன் மறையும் வரை வனவாசத்திலேயே கழித்தனர் திமுகவினர். ‘ராமனுக்கே 14 ஆண்டுகள் தான், எனக்கு மட்டும் இன்னும் அதிகமாக உள்ளதே’ என்றும், ‘அமெரிக்காவில் தேறிவரும் எம்.ஜி.ஆர். திரும்பி வரும் வரை நான் ஆட்சியில் இருக்கிறேன். அவர் வந்தவுடன் அவரிடமே தந்துவிடுகிறேன். என்னை ஆட்சியில் அமர்த்துங்கள்’ என்று வெளிப்படையாகக் கேட்டவர் தான் கருணாநிதி.

மீண்டும் கிருபானந்த வாரியார் நிகழ்வு நடந்தால், 14 ஆண்டுகள் மட்டும் அன்றி, 140 ஆண்டுகள் பதவியும், கட்சியும் இல்லாமல் அல்லல் பட வேண்டியது தான்.

‘அல்லற்பட்டு ஆற்றாது அழுதகண் ணீர்அன்றே

செல்வத்தைத் தேய்க்கும் படை’

 
Leave a comment

Posted by on May 17, 2022 in தமிழ்

 

Tags: ,

Writer A.P.Raman

It is with great sadness that I came to know today about the passing away of Shri.A.P.Raman of Singapore in Feb 2022.

The octogenarian writer, journalist, dramatist and businessman, despite his rather advanced age, used to participate in almost all weekly Tamil events in Singapore, encouraging youngsters to excel in their forte.

He was a father figure to writers and speakers in Singapore. No literary event would be complete without him.

Having been associated with Shri.Raman from 2009 till 2019, I was indeed blessed to have been guided on many occasions on my different articles on Singapore. As recently as 2020, even after I had moved out of Singapore, Shri.Raman called to congratulate me on a detailed analytical essay that I had written for a magazine, on water management in Singapore.

I can’t forget the number of review comments that he would have posted in this site on my different articles. He was the first reader and reviewer of my first book ‘Pazhaiya Kanakku’. He had gotten a copy from the publisher directly and had called me to pass on his review comments.

I last met Shri.Raman a day before I left Singapore in the Sri Srinivasa Perumal Temple in Little India where I had gone to attend a discourse. He blessed me for a last time.

Inspite of his advanced age, Shri.Raman was a quick learner and easily adapted to the new age tech and wrote prolifically in Facebook.

Not many know that Shri.A.P.Raman had hosted M.G.Ramachandran in Singapore before the latter launched his political party, the AIADMK. A close friend of the late Chief Minister, Shri.Raman was on speaking terms with the former President of Singapore Shri.Nathan. Despite all these connections, Shri.Raman presented a low profile demeanour and moved with ease with all and sundry.

Singapore Literary scene has indeed lost a great supporter and connoisseur of arts.

 

Tags:

பொம்யூனிஸ்ட் ஆவது எப்படி ?

‘தோழர், உருசியாவுக்கு எதிரா ஒரு போராட்டம் செய்யணுமே, கட்சி ஒண்ணுமே பேசலியே.’

‘என்ன கண்றாவியா இது உருசியா? யார் அந்தப் பொண்ணு?’

‘தோழர், பொண்ணு இல்லீங்க. நம்ம ஃபாதர் லேண்ட – தந்தை நாடு. இப்ப கூட போருக்குப் போயிருக்கே’

‘யோவ், ரஷ்யான்னு சொல்ல வேண்டியது தானே, இதென்ன புது கொழப்பம்?’

‘இல்ல தோழர். கூட்டணில அப்படித்தான் சொல்றாங்க. இன் ஃபாக்ட் ‘கரவொலி’ நாளேட்டுல ‘கழுத்தறுப்பே’ கட்டுரைல கூட அப்பிடித்தான் சொல்லியிருக்காங்க..’

‘அட நாசமாப் போக. அடக்கிப் பேசுய்யா. புதுசு புதுசா கொழப்பாத. கரவொலில சொல்ற மாதிரி நடந்துக்கறதுதான் பொம்யூனிஸ்டு கொள்கைன்னு நமக்குத் தெரியும், ஆனா அந்த நாட்டுக்கு இப்பிடி ஒரு பேரு வெச்சிருக்கோம்னு புதினுக்கு தெரிஞ்சா அடுத்த மாசம் சம்பளம் கட் ஆயிரும். என்ன கருமாந்தரமோ வீட்டுக்குள்ள பேசிக்கோ. கட்சி ஆஃபீசுல சொல்லாத’

‘சரி தோழர். சம்பளம் வராதுன்னு புரியுது. ஆனா, போராட்டம் பண்ணி நாளாச்சே. நம்ம கொள்கைக்கு எதிரா பலதும் நடக்கற போது என்ன செய்யிறது?’

‘என்ன பொம்யூனிஸ்டோ போ. நல்லகண்ணு கூடதான் மதுக்கடைகள மூடியே ஆகணும்னு மே 5க்கு முன்னாடி வரை சொன்னாரு. இப்ப அதப்பத்திப் பேசறாரா என்ன? பேசினா கறிவாலயத்துலேர்ந்து சாப்பாட்டு அலவன்ஸ் வராது. சமயத்துக்கு தக்கபடி வாய மூடிக்கறது தான் பொம்யூனிஸம்னு தெரியாதா ஒனக்கு? தாஸ் கேப்பிடல் படிச்சியா இல்லியா?’

‘தோழர், அதப் படிச்சுத் தான் இப்பிடி ஆயிட்டேன் போல. அதால இப்பல்லாம் கரவொலி மட்டும் தான் படிக்கறது’

‘அப்ப நம்ம சனசக்தி, பூக்கதிர் இதெல்லாம்?’

‘அது யாருங்க பூக்கதிர்? புதுசா கட்சில மகளிர் அணில சேர்ந்திருக்காங்களா ?’

‘அட கண்றாவியே. நாமெல்லாம் பொம்யூனிஸ்டு தம்பி. ஆண், பெண் வித்யாசம் எல்லாம் பேசக் கூடாது. இதென்ன மகளிர் அணி? அதெல்லாம் கூட்டணிக் கட்சிகள்ல தான் அப்பிடியெல்லாம். இங்க நாம எல்லாரும் ஒண்ணுதான். என்ன பொம்யூனிஸம் படிச்சியோ தெரியல’

‘போகட்டும் விடுங்க தோழர். இப்ப போராட்டம் ஒண்ணுமே இல்லியே. ஒரு எட்டு வழி எதிர்ப்பு, கூடங்குளம் எதிர்ப்பு, சேது சமுத்திரம் ஆதரவு, எண்ணூர் அனல் மின் நிலையம் எதிர்ப்பு.. என்ன கழுதையாவுது தலைப்பு குடுங்க. ரோட்டுல கொடி பிடிச்சிட்டு போகணும்னு கை நம நமங்குது’

‘மெதுவா பேசுய்யா. நமோ நமோன்னு கூட்டணி காதுல விழுந்தா அடுத்த மாசம் பேட்டாவுல கைய வெச்சுடுவாங்க. அது சரி. இப்ப என்னெழவுக்கு போராட்டம் பண்ணனும்னு துடிக்கற?’

‘தோழ்ர், நம்ம கொள்கைன்னு ஒண்ணு …’

‘தோ பாரு. எட்டு வழிச் சாலை வேணாம்னு போராடினோம். இப்ப அதைப் பத்திப் பேசறதில்ல. ஏன்? நமக்கு கூட்டணிங்கற காண்ட்ராக்ட். கூட்டணிகாரங்களுக்கு அது வேற காண்ட்ராக்ட். அதுபோல தான் கூடங்குளம்ல வாய மூடிப்போம். ஏன்னா அது ஃபாதர் லாண்ட் பணம். ஆனா நியூட்றினோ விஷயம் அப்பிடி இல்ல. அதுல அமெரிக்கா இருக்கு. அதால அத எதிர்க்கறோம்.. அதுவே ‘டாஸ்மாக் மூடணும்’ னு சொல்ல மாட்டோம். எதாவது ஏடாகூடமா நடந்தா ‘மது நாட்டுக்கும் வீட்டுக்கும் கேடு’ னு மய்யமா அறிக்கை விட்டுட்டு அடுத்த இன்ஸ்டால்மெண்ட் போட்டாச்சான்னு ஏ.டி.எம்.ல போயி நிக்கணும்.

அது மட்டுமா? முல்லைப் பெரியார் அணை உயரத்த உயர்த்தணும்னு உரக்கச் சொல்லாம, பேப்பர்ல எட்டாவது பக்கத்துல சின்னதா வர்ற மாதிரி செய்தி போடணும். ஏன்னா, பினரயிக்கு தெரிஞ்சா ஆள வெச்சு அடிப்பாரு.

ஏர்போர்ட்ட அதானிக்கு வித்தாரு மோதின்னு ஒப்பாரி வெக்கணும். அதுவே, கேரளாவுல டெண்டரே இல்லாம அதானிக்கு குடுத்த விஷயத்த பேசவே கூடாது. தெரியாத மாதிரியே இருக்கணும்.

‘என்ன தோழர். நம்ம கொள்கை என்ன? வர்க்கப் போராட்டம், உலக உழைப்பாளர்களே ஒன்றுபடுங்கள், உங்கள் சங்கிலிகளை உடைத்தெறியுங்கள்..இப்பிடி எதாவது..’

‘தம்பிக்கு மனசு சரி இல்லையா? என்னவோ தாக்கு தகவல் இல்லாம பேசறியே’

‘தோழர், இதெல்லாம் நம்ம பொம்யூனிஸ வகுப்புல நீங்க தானே சொன்னீங்க? ‘

‘ஓ அதுவா. இது.. ஆமா.. சரிதான். எனக்கே எங்கியோ கேட்டமாதிரி இருக்கு, நல்லவேளை ஞாபகப்படுத்தினே’

‘தோழர், நல்லவேளை நீங்க ஸ்டாலின், மாவோவெல்லாம் இன்னும் மறக்கல்ல..’

‘எப்பிடி மறக்க முடியும் தோழர். முதலமைச்சர் இல்லியா? அதோட போன எலக்‌ஷன்ல 25 சி கொடுத்தவங்களாச்சே’

‘தோழர்.. என்னாச்சி தோழர்? சரி போகட்டும். இப்ப, அடுத்த போராட்டம் எதாவ்து பண்ணியே ஆகணும்.’

‘அப்ப ஒண்ணு பண்ணுங்க. ‘உக்ரைன் போரை நிறுத்தாத ஃபாஸிச மோதி அரசைக் கண்டிக்கிறோம்’ அப்பிடின்னு அறிக்கை விட்டு அடையாள உண்ணாவிரதம் இருக்கலாம். ரஷ்யப் பாட்டாளிகளை போர் தொடுக்க விடாமல் செய்யும் அமெரிக்க ஏகாதிபத்தியத்துக்கு எதிராக அரை மணி நேரம் சாகும் வரை உண்ணா விரதம்னு அறிவிச்சு சரவண பவன் பக்கத்துல உக்காந்துக்கலாம். இப்பிடி பல போராட்ட ஐடியா எல்லாம் இருக்கு. ஆனா, பேமண்ட் வந்த பொறவுதான் செய்யணும், புரியுதா?’

‘தோழர், நீங்க சொல்றது புரியல்லியே..’

‘கரெக்ட். நான் சொல்றது எனக்கு மட்டும் புரியல்லேன்னு நினைச்சேன். உனக்கும் புரியல்லியா. உண்மையான பொம்யூனிஸ்ட்யா நீயி’

‘காஃபி போட்டாச்சு. பல் தேச்சுட்டு வாங்கோ. கனவை நாளைக்கி கண்டினியூ பண்ணிக்கலாம்’ குரல் கேட்டு திடுக்கிட்டு எழுந்தான் ஆமருவி.

 
Leave a comment

Posted by on March 9, 2022 in தமிழ்

 

Tags: ,

சிங்கப்பூர் பிரதமரின் கருத்து சரியானதா?

‘50% இந்திய எம்.பி.க்கள் குற்றப்பின்னணி கொண்டவர்கள்’ என்று சிங்கப்பூர் பிரதமர் கூறியுள்ளது தவறானது. ராஜ்ய சபாவை விட்டுவிட்டுப் பேசியதை வன்மையாகக் கண்டிக்கிறேன் என்று நக்கல் அடித்துவிட்டுச் செல்வது எளிதான செயல். ஆனால், நாம் அப்படிச் செய்யப்போவதில்லை.

அவர் மற்றொன்றும் சொல்லியிருக்கலாம். சிங்கப்பூரில் பிரதமர், அமைச்சர்கள் முதலியோரின் கல்வித் தகுதி, அவர்களது தொழில், நிர்வாக அனுபவங்கள், சம்பளம் முதலியனவற்றையும் சொல்லியிருக்கலாம். அமெரிக்க அதிபரின் சம்பளத்தை விட தனது சம்பளம் அதிகம் என்பதையும் சொல்லி, நாட்டின் அளவிற்கு ஏற்ற சம்பளம் தானா என்பதையும் சொல்லியிருந்திருக்கலாம்.

சிங்கப்பூரில் உள்ள ஊடகங்கள் எத்தனை, மற்ற ஜனநாயகங்களில் எத்தனை என்பதையும் பேசியிருக்கலாம்.

சிங்கப்பூரில் பிரதமரையோ, மந்திரிகளையோ, அரசின் கொள்கைகளையோ எதிர்த்து ஃபேஸ்புக் பதிவிட்டவர்கள் மன நல மருத்துவமனைக்குச் செல்வது ஏன் என்பதையும் சொல்லியிருந்திருக்கலாம். அவர் குறிப்பிட்டுள்ள ஜனநாயகங்களில் அப்படி நடைபெறுகிறதா என்பதையும் சொல்லியிருந்திருக்கலாம்.

எல்லாவற்றுக்கும் மேலாக, தேசத் தந்தை அமரர் லீ குவான் யூ அவர்கள் ஜவகர்லால் நேருவைப் பற்றிச் சொன்னதையும் சொல்லியிருந்திருக்கலாம்.

நேருவின் சோஷலிசக் கொள்கைகள் பற்றிச் சொல்லும் போது “It was my good fortune that I had several of these failed economies to warn me of this danger before I was in a position to do any harm in government,’ என்கிறார் லீ குவான் யூ. நேருவின் இந்தியாவை இன்றும் கொண்டிருந்தால் கியூபாவிடம் பிச்சை எடுக்க வேண்டியது தான்.

நேருவின் சோஷலிசம் பற்றி மேலும் சொல்லும் போது, “Like Nehru, I had been influenced by the ideas of the British Fabian society. But I soon realized that before distributing the pie I had first to bake it. So I departed from welfarism because it sapped a people’s self-reliance and their desire to excel and succeed. I also abandoned the model of industrialization through import substitution. When most of the Third World was deeply suspicious of exploitation by western MNCs (multinational corporations), Singapore invited them in. They helped us grow, brought in technology and know-how, and raised productivity levels faster than any alternative strategy could,” என்கிறார் லீ.

தேசம் சோஷலிசத்தில் தூங்காமல் இருந்திருந்தால், இன்று முழுமையான வல்லரசாகியிருக்கலாம். சோஷலிசத்தைக் குப்பைத் தொட்டியில் போட்டதால் சிங்கப்பூர் இன்று ஒளிர்கிறது. இதையும் பிரதமர் லீ சியன் லூங் கருத்தில் கொண்டு பேசியிருக்கலாம்.

இஸ்ரேலில் தற்போது பல கட்சிகள் சேர்ந்துமே கூட அரசு அமைக்க முடிவதில்லை என்பதைச் சொல்லியுள்ள பிரதமர், சிங்கப்பூரில் எத்தனை முறை எதிர்க்கட்சிகள் ஆட்சி அமைத்துள்ளன என்பதைப் பற்றியும் சொல்லியிருந்திருக்கலாம்.

ஒப்பீடு செய்வது என்று வந்துவிட்டால் எல்லாவற்றையும் ஒப்பிட வேண்டியது தானே சரி?

என்னதான் சொன்னாலும், சிங்கப்பூர் போன்றதொரு தேசம் மற்றொன்று இவ்வுலகில் இல்லை. தண்ணீர் முதல் சகலத்தையும் இறக்குமதி செய்யும் தேசம் இன்று வளமான தேசங்களில் ஒன்றாகத் திகழ்கிறது. இதற்கு அந்த தேசத்தின் தலைவர்கள் ஊழல் கறை படியாதவர்கள் என்பதே காரணம் என்பதில் சந்தேகமில்லை. அவ்வாறு ஊழல் கறை படியாமல், தேர்ந்த வல்லுநர்கள் மட்டுமே அரசில் பங்குகொள்ள முடியும் என்றும், ஊழலுக்கு எதிரான மிகப்பெரிய போரையே அமரர் லீ குவான் யூ நடத்தினார் என்பதையும் இந்த நேரத்தில் நினைவில் கொள்வது அவசியம்.

ஊழலுக்கு எதிரான அம்மாதிரியான போரைத் தற்போது நரேந்திர மோதி நடத்தி வருகிறார் என்பதையும் நாம் நினைவில் நிறுத்தி, சிங்கப்பூர் பிரதமரின் கருத்தைக் கவனிக்க வேண்டும்.

பிரதமர் லீ சியன் லூங்கின் கருத்து அவர் பாராளுமன்றத்தில் ஒரு விவாதத்தில் ஒரு உதாரணத்திற்காகச் சொல்லப்பட்டதே தவிர, உள் நோக்கம் எதுவும் இருந்திருக்க வாய்ப்பில்லை. ஆனால், அவர் சொன்னதில் உண்மை இல்லை என்று சொல்ல முடியாது என்பதையும் நமது எம்.பி.க்கள் உணர வேண்டும்.

 

Tags:

Temple Cleaning – Baburayan Pettai

We conducted a detailed temple cleaning activity at Baburayan Pettai Varadaraja Perumal Temple for three days between 05-Feb-2022 and 07-Feb-2022.

The temple is mostly dilapidated. Most of the praharams are under thick weed growth for the last hundred years. The fourth and fifth praharam were impenetrable. We cleared the praharams and found some ancient structures as well.

We didn’t climb atop any structure to clear the growth. They remain as they have been so far. We cleared the outer spaces ( praharams) so that the architects could begin their job of estimation and restoration planning.

Here are some pictures on the temple cleaning (உழவாரப் பணி).

An ancient watch tower or bell tower found in Praharam 5

Ancient light tower unearthed in Praharam 5
Praharam 5 after clearing 100 year old bush and weeds
Praharam 4 cleared of many decades old bush, weeds and undergrowth
Temple well accessible after clearing the weeds
Praharam 4 cleared near the old demolished Thayar sannidhi
Praharam 5 clearing – yet another view
Temple Madappalli (kitchen) made accessible after clearing
Demolished Thayar Sannidhi granite stones
Light Tower that came to light in Praharam 5 after clearing
Glorious Sunset seen from Praharam 4 – all cleared in the Temple Cleaning exercise
Clearing and Levelling between gopuram 1 and 2
View from Praharam 4 after clearing the area
Red :Shri.Ramajayam. Orange: Shri.Anbarasu (both stayed at site) Yellow: Reader Sathish and Amaruvi.
 
Leave a comment

Posted by on February 7, 2022 in English Posts

 

Tags: , , , ,

உயில் எழுதுவது எப்படி?

‘சிங்கப்பூர் ஆஃப்ஷோர் அக்கவுண்ட்ல இருக்கற ஒன்றரை கிராண்ட், சாங்கி பார்க்ல காண்டோ, அடையார்ல போட் கிளப் வீடு, ஏ.ஐ.ஜி.ல கேஷ் டெபோசிட்ஸ், எஸ்.ஜி.எக்ஸ்.ல செக்யூரிட்டீஸ் அக்கவுண்ட், எஸ்.பி.ஐ. இன்னபிற சில்லறை லட்சங்கள், தேரழுந்தூர்ல வீடு .. அடடா இப்பிடி எதுக்குமே உயில் எழுதாமப் போயிட்டியேடா.’யாரோ அருகில் இருந்து சொல்வது போல் ஒலித்தது. மனசாட்சியாக இருக்கலாம்.

அடித்த 103 டிகிரி ஜுரத்தில் நான் தான் சொன்னேனா, இல்லை யாரோ அருகில் இருந்து சொன்னார்களா என்று தெரியவில்லை. அதுவும் ராத்திரி 2 மணிக்குப் பினாத்தினால் நினைவு எப்படி இருக்கும் ?காலம் முடிந்துவிட்டதா? இனிமேல் அவ்வளவுதானா? வீட்டிற்குள் வைப்பார்களா இல்லை நேரே… இன்னொரு மனம் கேட்டது. பதில் தான் இல்லை.

எப்டியாவது எழுந்து இந்த உயில் சமாச்சாரத்தை முடிச்சுடலாமே. ப்ளீஸ். எழுந்திருக்கப்பார்ரா ஆமருவி. எழுந்திரு. எஸ்.யூ.கேன். எஸ்.யூ.கேன். ஒபாமா தோன்றிச் சொன்னார்.

நீங்களே வக்கீல் தானே. சார், நீங்க கொஞ்சம் எழுதிடறீங்களா? டயம் முடிஞ்சுடும் போல இருக்கே.’அப்பாரண்ட்லி நீங்க ப்ராப்பர்ட்டீஸ் டாக்குமெண்ட்ஸ் மூணு காப்பி கொடுங்க. மிஷல் செக் பண்ணி சொல்லுவா. ஒரு வாரத்துல முடிச்சுடலாம்.’

‘ப்ளீஸ். இன்னிக்கே முடிஞ்சுடும் போல இருக்கே. ஒரு வாரமெல்லாம் தாங்காதே’ ஹீன ஸ்வரத்தில் கெஞ்சியது யாரோ எங்கோ சொல்வது போல கேட்டது.

‘அது பரவாயில்ல. ஆஸ் பர் அமெரிக்கன் லா, வீடியோ வில் ஈஸ் வாலிட். இப்ப ஒரு வீடியோ எடுத்துக்கலாம். இவர்கிட்ட ஒரு ஆத்தரைசேஷன் சைன் வாங்கிக்கலாம். அப்பறம் ஃபில் பண்ணி நோட்டரைஸ் பண்ணிக்கலாம். ஹௌ ஈஸ் தட்?’ என்று கேட்டுத் தனது நட்சத்திரப் புன்னகையை உதிர்த்தார்.

‘யோவ், இங்க உயிருக்குப் போராடிக்கிட்டு இருக்கேன். எல்லா எலும்பு மேலயும் லாரி ஓடின மாதிரி வலிக்குது. என் கைய வெச்சே கேஸ் அடுப்ப பத்தவைக்க முடியும் போல கொதிக்குது. சீக்கிரம் எழுதிக்குடுய்யா’

‘ஆக்சுவலி, த பர்ஸ்யூட் ஆஃப் ஹேப்பினஸ் தான் அமெரிக்க கான்ஸ்டிட்யூஷனோட ஆதார நம்பிக்கை. யூ நோ. ஃபவுண்டேஷனல் பிலீஃப். ஈவன் மிஷல் வில் அக்ரீ. வோண்ட் யூ டியர்?’

‘யோவ், பொண்டாட்டிய அப்பறம் கொஞ்சிக்கோய்யா. சீக்கிரம் எழுதுய்யா.’ நான் சொல்வது காதில் விழுந்ததாகவே தெரியவில்லை.

ஒருவேளை முடிந்தேவிட்டதா? நான் எங்கே கிடக்கிறேன்?

‘அந்த ப்ராப்பர்டீஸ் சொல்லுங்க?’ ஒபாமா கேட்பது புரிந்தது.

‘சிங்கப்பூர் ஆஃப்ஷோர் அக்கவுண்ட்ல இருக்கற ஒன்றரை கிராண்ட், சாங்கி பார்க்ல காண்டோ, அடையார்ல போட் கிளப் வீடு, ஏ.ஐ.ஜி.ல கேஷ் டெபோசிட்ஸ், எஸ்.ஜி.எக்ஸ்.ல செக்யூரிட்டீஸ் அக்கவுண்ட், எஸ்.பி.ஐ. இன்னபிற சில்லறை லட்சங்கள், தேரழுந்தூர்ல வீடு’ தடவித் தடவிச் சொன்னேன்.

‘போறுமே. தேரழுந்தூர் தவிர மத்ததெல்லாம் சம்பாதிக்க வேண்டாமா? எழுந்து புழுங்கரிசிக் கஞ்சிய சாப்டுட்டு, கனவை கண்டினியூ பண்ணுங்கோ’

அடிக்கடி கேட்ட குரலாக இருந்தது.

ஒபாமாவும் மிஷலும் இருந்த இடத்தில் உள் துறை மந்திரி நிற்க, புழுங்கல் அரிசிக் கஞ்சிக்கு வாய் திறந்தேன்.

பி.கு.: பிரதமர் மோதி இரண்டு வாக்ஸின் கொடுத்தாரோ, பிழைத்து இதை எழுதுகிறேன். வாழ்க நீ எம்மான். PMO India

 

Tags: , , ,

தமிழக தஷி ஷரூர் கவனத்திற்கு

நடிகர் துத்தார்த் – வணக்கம்.

பிறப்பு நம் கையில் இல்லை. வளர்ப்பு, கல்வி முதலியவை நம்மைச் செதுக்கலாம். வாய்ப்புள்ளது.

கல்வி பற்றித் தேடிப் பார்த்தேன். எஸ்.பி.ஜெயின்.ல் எம்.பி.ஏ. அறிவு உள்ளது தெரிகிறது. ஆனால் குதர்க்கம், வெறுப்பு, கொனஷ்டை இதெல்லாம் உள்ள அளவு கல்வியால் பெற்ற விநயம் தெரியவில்லை. ஆனால், காசு பார்க்க உதவும் கல்வி மட்டுமே என்பதால் மனித நேயம், வாக்கில் நளினம், மரியாதை முதலியன உங்களிடத்தில் இல்லை என்று புரிந்துகொள்கிறேன்.

சரி. அப்படியென்றால் வளர்ப்பில் குறையோ என்று தோன்றுகிறது. சூரியநாராயணன் சரியாக வளர்க்கவில்லையோ என்னவோ.

ஆனால், ஒன்று, உங்கள் அறிவு பளிச்சிடுகிறது. தமிழ் நாட்டில் என்ன பேசினால் காசு பார்க்கலாம் என்பதைத் தெரிந்து வைத்துள்ளீர்கள். அதுவும் ஓடாத சினிமாவில் நடித்துவிட்டால் வரும் பாடும் இந்திய எதிர்ப்பு / மாநில சுயாட்சி / இந்தி எதிர்ப்பு / நீட் எதிர்ப்பு இன்னபிற ஒப்பாரிகள். சிகப்பு அசுரன் நிறுவனம் குளிர்ந்திருக்கும். ரொட்டித்துண்டுகள் கிடைக்க வாய்ப்புண்டு.

சரி. போகட்டும்.

டி.எம்.கிருஷ்ணா பாழாக்கம் உண்டோ ? இல்லாவிட்டால் ஏற்படுத்திக் கொள்ளுங்கள். ஏனென்றால், நீங்கள் கரடியாகக் கத்தினாலும், அப்பா பெயரை மாற்ற முடியாது. கழகங்கள் மயிலாப்பூரில் நிற்க வைத்தாலும் ஜெயிக்க வழியில்லை. முதலில் அவர்கள் சீட் கொடுப்பதே சிரமம் தான். அப்பா பெயர் காட்டிக் கொடுத்துவிடுமே.

பெண்களை இழிவாக எண்ணினாலே கூட கனிவிழி, கயல்மொழி, சாரதி டாஸ்கர், தருள்மொழி, தண்ணிலா என்று பெண் போராளிகளும், அறுமாதளவன், மா.பஞ்சித், தரு. கழநியப்பன், விருமுருகன் சாந்தி என்று ஆண் போராளி மறவர்களும், சாரதிகூஜா முதலிய இனிமா கிரகங்களும் மூச்சு நின்றுவிடும் அளவிற்கு கத்தும் தமிழகத்தில், உங்கள் பேச்சிற்கு இந்த போர்-இலிகள் யாரும் வாய் திறக்கவில்லை என்பதால் இவர்களை நம்பி தேர்தலில் நிற்கலாம் என்றெல்லாம் கனவு காணாதீர்கள். சூரியநாராயணன் மகன். அவ்வளவுதான்.

என்னதான் ஆங்கிலச் சொற்களைக் கொண்டு கொன்ஷ்டையாக எழுதினாலும், நீங்கள் தமிழகத்தின் தஷி ஷரூர் ஆக முடியாது. ஜோதி அம்மணி ஆதரவும் கிடைக்காது. அப்பா பெயர். நினைவிருக்கட்டும்.

ஆமருவி என்னும் வேலையில்லாதவன் ‘இலக்கியம், பொருளாதாரம், அந்நிய தேச உறவுகள்’ பற்றி விவாதிக்கத் தயாரா என்று கேட்டுள்ளது உங்களுக்கு இருக்கும் வேலைகளில் உங்கள் கண்ணில் பட்டிருக்க வழியில்லை. Amaruvi’s Aphorisms ஐ விட்டுத் தள்ளுங்கள். நமக்கு இலக்கியம், பொருளாதாரம் இதெல்லாம் என்ன தண்ணி பட்ட பாடு? சினிமாவில் நடித்த ஒரே காரணத்தால் நுழைவுத் தேர்வு முதல் ராக்கெட் விடுவது வரை அனைத்தும் அறிந்த மேதாவிகள் நிறைந்த துறையில் அல்லவா உழல்கிறீர்கள் ? 40 வருஷ அனுபவம் பெற்ற பைலட்டுகள் சில ஆயிரம் மணி நேரங்களே பிளேனில் பறந்துள்ள நிலையில், பல மில்லியன் மணி நேரங்கள் வானத்தில் பறந்த நிதி மந்திரிகள் போன்ற ஜாம்பவான்கள் இருக்கும் நாட்டில் இலக்கியமாம் இலக்கியம்.

தமிழ் நாட்டுப் பெண்களுக்கு எதோ ஒன்று இல்லை என்று சுஷுப்பு என்பவர் சொல்ல, அறுமாதளவன், அறுத்துவர் ஐயா என்று கூட்டணி சேர்ந்து வீர மரபின் இலக்கணமாம் விளக்குமார் + துடைப்பைக்கட்டை + பாத ரக்ஷய்களுடன் அன்னாரின் வீட்டின் முன் வீரப் போர் தொடுக்கத் தயாரானார்கள். அவ்வளவு வீரம் செறிந்த காவலர்கள் இன்று வாய் மூடி நிற்பது கண்டு மயங்காதீர்கள். தேர்தல் இப்போது தான் முடிந்துள்ளது. (அதைப் பற்றி) எண்ணும் வேலையில் மும்முரமாக இருப்பார்களாக்கும். அவர்கள் பேசாமல் இருப்பது உங்களுக்கு ஆதரவு என்று மதி மயங்காதீர்கள். அப்பா பெயர். நினைவிருக்கட்டும்.

ஆகவே, டி.எம்.கிருஷ்ணா நட்பில் இருப்பது அவசியம். கம்யுனிஸ்ட் கட்சியில் சேர உதவும். அப்பா பெயர் கட்சியில் மேலே செல்ல உதவும். எச்சுரி, ராம், கோபாலன், நம்பூதிரிபாட், வரதராஜன், ரங்கராஜன் வரிசையில் சேர முடியும். தமிழ் அய்யங்காராக இருந்தால் இன்னும் விசேஷ கவனிப்பு உண்டாம். ஆராவமுதன், ஸ்ரீநிவாஸன் என்று பெயரையாவது மாற்றிக் கொள்ளுங்கள். மார்க்சிஸ்ட் கட்சிக்கு உகந்தது. பொலிட் பியூரோ வரை போக ஹேதுவாக இருக்கும்.

பி.கு.: ஸ்ரீரங்கம் ரங்கராஜன் (எ) சுஜாதா சிபாரிசில் பாய்ஸ் படத்தில் ஹீரோவாகத் தோன்றினீர்கள் என்பதை மறக்காமல் மார்க்சிஸ்ட் விண்ணப்பப் படிவத்தில் குறிப்பிடவும். கட்சியில் நல்ல எதிர்காலம் உண்டு.

இப்படிக்கு,

உங்கள் நலனில் எள்ளளவும் அக்கறை இல்லாத,

அசட்டு அம்மாஞ்சி.

 
1 Comment

Posted by on January 13, 2022 in தமிழ், Writers

 

Tags: , ,

Digging our heritage’s grave – Baburayan Pettai

Digging our heritage’s grave – Baburayan Pettai

Welcome to Tamil Nadu’s Hampi

Looks like there is an eternal curse on the Vijayanagar Empire, especially on its magnificent edifices. If not, how could you explain the new Hempi that this temple in Tamil Nadu is developing into?

Baburayan Pettai, located 100 KMs south of Chennai, houses yet another ruin of the Vijayanagar Empire. This time, it is a temple of Varadaraja Perumal, a form of Vishnu worshipped in Tamil Nadu.

Varadaraja means the one that genuinely gives away boons to those who ask for – the devotees. But, looks like, it is the Lord who needs a multitude of boons to continue living on the site of the temple.

Built by a Vijayanagara nobleman, Babu Raya, the temple is spread over 16 acres. It has two gopurams, one of which is overgrown with weeds and trees while the other appears to be either broken midway or is half-built.

While the ‘madhil suvar’ – the outer periphery wall – is seen in certain pockets, the inner walls make their presence felt, taking us back by at least five hundred years.

While the entire complex smells of ruin, the sanctum sanctorum of Varadaraja Perumal is the only structure that appears to be able to stand for a couple of more years. 

The Ardhamandap, Mahamandap, Moolasthana vimanam et al are dilapidated and could collapse any time. While two mud and brick mounds stand for the Thayar and Aandal Sannidhis, the other two grand mandaps have been reduced to sand over which have grown trees and shrubs. Now Thayar and Aandal are housed near the sanctum sanctorum, in two hastily constructed sannidhis. It is a different matter that these two are dilapidated too.

As the Mahamandap also boasts of lush overgrowth, the roof has given away, thus exposing the sanctum sanctorum to the elements. During rains, it is a natural thirumanjanam ( holy bath) to the Thayar.

Astonishingly, the sixteen acre complex boasts of two pushkarnis. Needless to say, while one is completely dilapidated, the other one is embedded inside an inaccessible Praharam that has a strong growth of decades old trees.  

The size of the trees on the gopurams, the depths to which the roots have penetrated the structure, the extent of the damage to the temples, the precariously hanging granite roof, et al show that the Hindu Religious and Endowments Board of the Tamil Nadu Government that boasts administrative control of the temple, has not done anything tangible to maintain the structure, leave alone restore it. 

The last known samprokshanam, with physical repairs to the temple, has happened in 1906, as per the part time priest. Later on there happened mantra based ‘laghu-samprokshanam’ to consecrate the deity alone with no repair done to the structure. No annual festival (uthsavam) is conducted now. A village elder seems to have witnessed an uthsavam when the uthsavar murti was taken in procession outside the temple.  

It is a clear case of dereliction of duty by the Executive Officers and their bosses. And the authorities deserve exemplary punishment so that no other officer in future would dare to even think of abandoning such historic monuments. The punishment should be meted to past officers too, who had been incharge of the temple. 

The officers, their political bosses et al should be called out by the courts, as and when a case is filed, and reprimanded for their lackadaisical attitude towards work that has resulted in such a colossal loss of heritage to the current and future generations. 

Babu Raya had apparently set up three agraharams – smartha, sri vaishnava and madhva – on the three sides of the temple for its upkeep and had also bestowed hundreds of acres of agricultural land in favour of the deity. Now there is no sign of any of the above.

Amidst all these ruins and nonchalance by the governments, stand Vijaya Varadaraja and Vijayavalli Thayar, looking at us smilingly with a five hundred year old patience, waiting for their abode to be rebuilt. The Lord and His consort, along with the twelve Alwars, Ramanuja and Desikan, partake of a paltry meal once a day, sponsored by the Kanchi Mutt. That is, when the bhattacharyar visits them from a nearby village for an hour a day.

A Venugopala idol had recently been stolen and is yet to be traced. Murtis from yet another dilapidated Shiva temple lie strewn in the Varadaraja temple premises uncared for and unattended. Reason: The custodian of the temple, the government, continues with its legendary lethargy and characteristic disinterest so much so that it had chosen to ignore a 2020 Madras High Court order to renovate the temple within a period of twelve weeks. Twelve months have passed and the govt has not replaced even a brick.

Probably the only act of solace for devotees is that the HR&CE has chosen to deposit the uthsavar murtis of the Lord and His consort with the safe vault at the Agastheeswarar Temple in a nearby village.

As Varadan and Vijayavalli continue to languish at the very neighbourhood of Chennai, the capital city of Tamil Nadu, forgotten by the very people whom they protect, the state appears to feign ignorance about the very existence of this piece of history.

Pranam to the Kanchi Kamakoti Peetam for helping the temple have one pooja per day. 

Action Items for Govt: 

  1. HR&CE and Tamil Nadu police to get their acts together to bring back the stolen Venugopalan murti.
  2. HR&CE to clear off bush and other weeds that further destroy the structures.
  3. HR&CE to initiate emergency repairs to the temple so that the main sanctum doesn’t wither away.
  4. HR&CE to prepare a master plan for the overall reconstruction of the temple in accordance with its earlier architectural pattern to restore the temple to its past glory.
  5. Once reconstructed, this temple could be added to the Mamallapuram Tour Circuit so that tourists could have a chance to visit this Vijayanagara – Nayak architecture before proceeding to Mamallapuram via Chingalpet.
  6. Action against officials, present and past, that had not done their job of maintaining the temple. Consider booking them under ’The Ancient Monuments Preservation Act, 1904’. If possible, under Goondas Act for wanton defacement of history.
  7. HR&CE to initiate fresh efforts to recover lands that belong to the temple.

Action Items for Archaeological Survey of India

  1. Visit this temple, document the heritage there and help restore the temple to its original glory.
  2. Frame suitable guidelines for HR&CE to maintain the temple without destroying heritage.

Action Items for the Hon’ble High Court of Madras

  1. Tamil Nadu govt has not acted on your order WP No 9692 of 2020. Could you suo moto initiate contempt proceedings against the HR&CE, Collectors of Kancheepuram and Vellore ? Or at least ask for status of implementation of your order?  

Action Items for Mutts:

  1. This is a Vadakalai Vaikanasa Aagama temple. Swami Desikan is seen beside Srimad Ramanuja. The Vaishnavite Mutts should take  ownership of at least some sections / rituals of the temple and ensure their maintenance.
  2. When Babu Rayan broke ground to build the temple, an ancient Hanuman Murti was unearthed. Taking that as a good omen, Raya built the temple at the site. Hence Madhwa mutts could take interest in this temple as well. The older Hanuman murti is still present in the temple.

Action Items for Devotees:

  1. Visit the temple at least  once a month. If not, at least during the holy festival days like Deepavali, Sankaranti, Vaikunta Ekadasi etc.
  2. When at least 50 devotees visit the temple per day, HR&CE would notice the flow and begin to improve the situation.
  3. Instead of visiting temples in exotic locales, at great cost, visit Baburayan Pettai almost free of cost. Results are the same.
  4. Get committed for at least one time pooja per day. Bear the expenses.
  5. Initiate Temple Cleaning activities. 
  6. When you donate to a new temple, stop. Allocate some money for this 500 year old one that genuinely needs repair.

Action Item for Media:

  1. Visit this temple, document and expose the decay and rot.
  2. Once in a while, report fact. 

What did I do after my visit to the temple ?

  1. Initiated talks with a temple cleaning group based out of Chennai. Would be undertaking உழவாரப் பணி – Temple Cleaning – in a couple of weeks.
  2. Reached out to HR & CE officials for a copy of the FIR for Venugopalan murti.
  3. Reached out to several retired officials of ASI for guidance on how to proceed further.
  4. Trying to locate a local person from Baburayan Pettai to initiate a petition to the government for renovation.
  5. Reaching out to media outlets to publicise the plight of this temple. So far, limited response.

Dear Readers – Please let know any other means to get this temple in order.

Dear Lawyers – If there are other draconian sections under which such dereliction of duty to national treasures can be dealt with, please state. If you want to pursue this case in court, let me know and I will share what ever data I have on this temple.

Baburayan Pettai Temple as of 05-Nov-2021

More of Baburayan Pettai as of 05-Nov-2021

Some more of Baburayan Pettai Temple as of 05-Nov-2021

Digging our heritage’s grave – Baburayan Pettai

Amaruvi Devanathan

Chennai
amaruvi@gmail.com

 
3 Comments

Posted by on November 11, 2021 in English Posts, Writers

 

Tags: , , , , ,

பாபுராயன் பேட்டை வரதராஜ பெருமாள் கோவில்

சமீபத்தில் அச்சரபாக்கம் அருகில் உள்ள பாபுராயன் பேட்டையில் விஜயநகரப் பேரரசுக் காலத்தில் கட்டப்பட்ட விஜய வரதராஜப் பெருமாள் கோவிலின் இன்றைய நிலையை நேரில் கண்டு ஆவணப்படுத்தியுள்ளேன்.

கண்டு கருத்துரையுங்கள். பலரிடம் கொண்டு சேருங்கள்.

 
Leave a comment

Posted by on November 6, 2021 in தமிழ்

 

Tags: , ,

ராமன்

‘என்னங், ஒங்கள தேடிக்கிட்டு நாமம் போட்ட பெரியவர் ஒருத்தரு வந்திருக்காருங்’ சுபா சொன்னாள்.

‘என்னையா? எப்ப வந்தாப்டி? ‘ மில்லில் ஒரு பஞ்சாயத்து. வேப்பம்புண்ணாக்கு வாங்கிச் சென்ற கம்பெனி பணம் அனுப்பவில்லை. அதற்கான பேச்சுவார்த்தையில் இருந்த குமாரக் கவுண்டர்  ஏறிட்டுப் பார்த்துக் கேட்டர்.

‘காலம்பற நீங்க மில்லுக்கு கெளம்பின சுருக்குல வந்துட்டாப்டி. ஊட்டு வாசல்லயே உக்காந்திருக்காப்டி. எளுவது வயசு இருக்கும்ங்’

‘சாப்ட எதாச்சும் குடுத்தியாம்ணி? ஐயரா’

‘ஐயரில்லீங். நாம பெருசா போட்டிருக்காங்க. அழுக்கு வேட்டி. ரண்டு நாளா சாப்டல்லியாம். இட்லி சாப்டறீங்களான்னேன். உங்கள பார்த்துப் பேசிப்புட்டு சாப்பிடறேன்னாங்க’ சுபா மூச்சிறைக்கப் பேசி முடித்தாள்.

‘அட கெரகமே. ரண்டு நாளா சாப்டல்லியா? டீத்தண்ணியாச்சும் குடுத்தியா?’ 

‘குளிச்சு, சாமி கும்புட்டுத்தான் டீயுங்கோட குடிப்பாங்களாம். அதான் உங்கள கூட்டிக்கிட்டுப் போக வந்தேனுங்’ 

‘இத பத்து நிமிஷத்துல வந்துடறேன். நீயி போயி சோறு ஆக்கி எல போட்டு வையி’.

 குமாரக் கவுண்டர் மனம் அல்லலில் திளைத்தது. ‘யாரா இருக்கும்? நாமம் போட்ட ஆளு இப்பத்தான் ரண்டு மாசம் முன்னாடி மெட்றாசுலேர்ந்து வந்து ஜீயர் பிருந்தாவனத்தப் பார்த்துட்டுப் போனாப்ல. ஆனா, வயசு எளுபது இல்லையே.’

‘வேப்பம்புண்ணாக்கு நம்முது செயற்கை ஒரம் எதுவும் இல்லாத வர்றதுங்க. நீங்க சொல்ற வெலைக்கு ரசாயன புண்ணாக்கு தான் கெடைக்கும். நம்முது நல்லதுன்னு விகடன்ல பேட்டியெல்லாம் பார்த்திருப்பீங்க இல்ல?’ பேசிக்கொண்டிருந்தாலும் நாமக்காரர் மட்டுமே மனம் முழுதும் வியாபித்திருந்தார். 

‘ஒண்ணு செய்யுங்க. அடுத்த வாரம் வாங்க, கட்டுப்படி ஆகுமான்னு பார்க்கறேன்’ என்று வந்தவர்களை அனுப்பி வைத்துவிட்டு  ஸ்பிளெண்டரில் கிளம்பினார் குமாரக் கவுண்டர்.

ஆள் சுமார் ஆறடி இருப்பார். மெல்லிய கரிய தேகம். நெற்றியை மறைக்கும் திருமண். 

‘ஆருங் நீங்க? எங்கிருந்து வர்றீங்க?’ 

‘ஆங்., இப்பத்தான் கொஞ்ச நேரம் முன்ன வந்தேன்’ 

‘காது கேக்கல்லீங்க. சத்தமாப் பேசுங்க’ சுபா சமிக்ஞை காண்பித்தாள். 

எத்தனை கத்திப் பேசியும் அவருக்குப் புரியவில்லை. 

‘தமிழ் படிக்க தெரியுமா?’ கவுண்டர் பேப்பரில் எழுதிக் காண்பித்தார்.

‘நல்லா தெரியும். காதுதான் கேக்காது’ பெரியவர் சொன்னார். கணீரென்ற குரல்.

‘எங்கிருந்து வரீங்க? என்னைய எப்பிடித் தெரியும்?’ மீண்டும் எழுத்து. 

‘விகடன்ல உங்க பேட்டிய படிச்சேன். உங்க நம்பர் கெடைச்சுது. பார்க்கணுமுன்னு தோணிச்சு. பார்க்க வந்தேன்’ ஏதோ உறவுக்காரர் போல் அண்மையில் பேசினார்.

கவுண்டருக்கு ஒன்றும் பேசத் தோன்றவில்லை.

‘சார், கம்ப ராமாயணத்துக்கு நல்ல உரை எதுங்க?’ இரண்டு மாதங்கள் முன்னர் சென்னையில் உள்ள என்னை அழைத்துக் கேட்டிருந்தார். 

‘அட, நீங்களும் கம்பனுக்குள்ள வந்துட்டீங்களா? நல்லது. வை.மு.கோபாலகிருஷ்ணமாச்சாரியார் உரை நல்லது. உங்க மன நிலைக்கு ஏத்த மாதிரி இருக்கும். ஆமா, என்ன திடீர்னு?’ 

’24ம் பட்டம் அழகியசிங்கர் பிருந்தாவனத்த கண்டு பிடிச்சதுலேர்ந்து என்னவோ வைஷ்ணவ சம்பந்தமாவே இருக்குங்க. போன வருஷம் ஜீயர் வந்து ஆசீர்வாதம் செஞ்சாரு.  நீங்க வந்து பிருந்தாவனம் தரிசனம் பண்ணினீங்க. என்னமோ வைஷ்ணவ தொடர்பு ஏற்பட்டுக்கிட்டே இருக்கு’

கொக்கராயன் பேட்டையில் அஹோபில மடத்தின் 24ம் பட்டம் அழகியசிங்கரின் பிருந்தவனம் இருந்ததைக் குமாரக் கவுண்டரும் அவரது உறவினர்களும் கண்டுபிடித்து, அப்போது சிங்கப்பூரில் இருந்த என்னிடம் ‘என்னவோ நாமம் எல்லாம் இருக்குங்க. இது என்னன்னு பாருங்க’ என்று படங்களை அனுப்பியிருந்தனர். திருமண் அஹோபில மடத்தின் பாணியில் இருந்ததைக் கண்டு மடத்துடன் தொடர்புகொள்ளச் சொல்லியிருந்தேன். பின்னர் துரித கதியில் வேலைகள் நடந்து, கொக்கராயன் பேட்டையில் 1776ல் திருநாட்டை அலங்கரித்த 24ம் பட்டம் ஜீயரின் பிருந்தாவனம் புனருத்தரணம் செய்யபப்ட்டது. இரண்டு மாதங்களுக்கு முன்னர் நான் சென்று தரிசித்து வந்திருந்தேன்.

‘கம்ப ராமாயணம் புஸ்தகம் கேட்டீங்களே. என்ன செஞ்சுக்கிட்டு இருக்கீங்க?’ ஒரு மாதம் முன்னர் அவரிடம் கேட்டிருந்தேன்.

‘அதை ஏன் கேக்கறீங்க. இப்பல்லாம் தினமும் பாராயணம் பண்றேன். பொறவு தான் தெரிஞ்சுது, எங்க மூத்த அய்யா கம்ப ராமாயணம் வாசிச்சவராம். அவர் காலத்துல அதுலேர்ந்து கதையெல்லாம் சொல்லுவாராம்,’ என்றார்.

‘ஏதோ பூர்வ புண்ணிய வாசனை இல்லாம கம்பன் வர மாட்டானேன்னு நினைச்சேன்’ என்றேன்.     

‘இப்ப எதுக்கு என்னப் பார்க்க வந்திருக்கீங்க?’ குமாரக் கவுண்டர் பேப்பரில் எழுதிக் காட்டினார்.

‘ பார்க்கணும்னு தோணிச்சி, வந்தேன்’

‘என்ன விஷயமா?’ 

‘நீங்க எனக்கு வேலை கொடுங்க. நான் இங்கேயே தங்கிக்கறேன்’ 

’70 வயசுல வேலையெல்லாம் வேணாமுங்க. நீங்க வேண்டிய மட்டும் தங்கிக்கோங்க’ குமாரக் கவுண்டருக்கு இவரது பின்புலத்தை ஆராய வேண்டும் என்று தோன்றியது.

‘நீங்க மொதல்ல சாப்பிடுங்க. பொறவு பேசிக்கலாம்.’

‘குளிக்கணும். அப்புறம் திருப்பாவை, திருப்பள்ளி எழுச்சி சொல்லணும். அப்பறம் தான் சாப்பாடு’ பெரியவர் தீர்மானமாகச் சொன்னார்.

‘இங்க கொஞ்சம் வரீங்களா? எனக்கு புஸ்தகம் வேணும்’ பெரியவரின் குரல். 

 தீர்த்தமாடி, திருமண் தரித்துக் கொண்டிருந்த பெரியவரைக் கண்ட குமாரக் கவுண்டர் பெருமாளின் விஸ்வரூபத்தைக் கண்டதை போல ஒரு சிலிர்ப்பை உணர்ந்தார்.

‘உங்களத்தானே, எனக்கு புஸ்தகம் வேணும்’ பெரியவர் மீண்டும்.

‘ஆங்.. என்ன புஸ்தகம்?’ தன் நினைவிற்கு வந்தவரான கவுண்டர் சைகை காண்பித்துக் கேட்டார்.

‘திருப்பாவை, திருப்பள்ளி எழுச்சி புஸ்தகம் வெச்சிருந்தேன். காணல. உங்க வீட்டுல இருக்கா?’ 

ஏதோ தெய்வ உத்தரவு போல் தோன்ற குமரக்கவுண்டர் புஸ்தகம் வாங்கிவர ஆள் அனுப்பினார். ஈரோட்டில் பிரபந்தம் கிடைத்தது.

சாப்பிட்டு முடித்தபின் ஒரு தட்டில் பழம், வெற்றிலை, பாக்கு வைத்து, ஒரு புது வேஷ்டி, அங்கவஸ்திரத்தையும் கொடுத்துப் பெரியவரை நமஸ்கரித்த கவுண்டர், ‘நமக்கு எந்தூருங்க?’ என்றார்.

‘விழுப்புரம் பக்கத்துல கிராமம். பல ஏக்கரா நஞ்சை உண்டு. எல்லாத்தையும் பையன் பேர்ல எளுதி வெச்சுட்டேன். மருமகளோட பிரச்னை. அதான், நாலு வருஷமா நூத்தியாறு திவ்ய தேசத்தையும் ரெண்டு தடவை பார்த்துட்டேன். அடுத்தது பரமபதம் தான். எப்பன்னு தெரியல’ 

தினமும் காலை நான்கு மணிக்கு எழுந்து, கொக்கராயன் பேட்டை காவிரியில் குளித்து, திருமண் இட்டுக்கொண்டு ஐந்து மணிக்கெல்லாம் திருப்பாவை பாடுவது என்று ஒரு வாரம் கழிந்தது.

எத்தனை முறை கேட்டாலும் தனது விலாசத்தைக் கொடுக்க மறுத்த பெரியவர், வேறு எதுவும் பேசவில்லை. எப்போதும் பிரபந்தமும் கையாகவுமே இருந்தவர் குமாரக் கவுண்டரின் குழந்தகளுடன் மட்டும் ஏதோ பேசிக்கொண்டே இருந்தார். தனது பேரக் குழந்தைகளுடன் பேசுவதாக நினைத்துக் கொண்டார் போல.

வந்த எட்டாவது நாள் அவரது பிரபந்த புஸ்தகத்தில் ஒரு செல்ஃபோன் எண் போல் இருந்த இலக்கங்களைக் குமாரக் கவுண்டர் தொடர்புகொள்ள முயல, ‘ஆங், இப்ப எந்தூர்ல இருக்காரு? அப்பப்ப வீட்ட விட்டு ஓடிடுவார். எப்படியோ எதாவது வைஷ்ணவ கோவில்ல போய் உக்காந்துடுவார். யாராவது இப்பிடி கண்டு பிடிச்சு அனுப்புவாங்க,’ என்ற மருமகள், மறு நாள் டொயோட்டா இன்னோவாவில் வந்து சேர்ந்தார்.

‘அப்பா, வாங்க வீட்டுக்குப் போகலாம்’ என்று மருமகள் சொல்ல, ‘வந்துட்டியா? பெருமாள் என்ன நிம்மதியா இருக்க விட மாட்டானே’ என்ற பெரியவரிடம் குமாரக் கவுண்டர் ‘சாமி, நீங்க வீட்ட விட்டு வெளில போகாதீங்க. எப்பவாவது வெளில போகணும்னு நினைச்சா, எனக்கு சொல்லி அனுப்புங்க. நான் வந்து அழைச்சுக்கிட்டு வரேன்’

வண்டியில் ஏறி அமர்ந்துகொண்ட பெரியவரைக் கும்பிட்டபடி நின்றிருந்த குமாரக் கவுண்டர் கை காட்ட, சுபா ஒரு தட்டில் கற்பூரம் ஏற்றி வண்டியின் முன் சென்று காட்டினாள். 

வண்டி சென்ற பின் நெடு நேரம் அந்தத் திசையையே பார்த்துக் கொண்டிருந்த கவுண்டரிடம் சுபா ‘வந்தவரு பெரிய மனுஷர் போலைங்க. காருக்கு முன்னாடி நம்பர் பிளேட் இருக்குமில்லைங்க, அங்க ‘ராமசாமி ரெட்டியார், ஜமீந்தார்’னு எளுதியிருந்திச்சு’ என்றாள்.

‘சார், கம்ப ராமாயணம் படிக்கறேனான்னு ராமனே வந்து பார்த்துட்டுப் போனான்’ என்றார் குமாரக் கவுண்டர், தொலைபேசியில்.

 

Tags: , , ,

 
%d bloggers like this: